اسمع ألبوم ويجز الجديد "عقارب"

فى موسيقى وحفلات

الجمعة , 29 أغسطس 2025 - 20:08 | اخر تحديث: الجمعة , 29 أغسطس 2025 - 20:08

طرح الرابر ويجز عبر قناته الرسمية في موقع يوتيوب أحدث ألبوماته الغنائية "عقارب".

وجاءت بداية الألبوم مع أغنية "خسرت الشعب"، من كلمات وألحان ويجز، وتقول كلماتها:

"خطفت، جريت أسرع من الرمشة، هدّيت اللعب
دايمًا الداهية ما لوش في الدوشة، خاصِمت الشعب
بإيدي وضرسي، أنا ما أقبلش أكون في حَوجة
في إيدي أوَدّي، أجيب وأبوِّش، لعبي أذكى
صعبان عليا أسيب كل اللي بين إيدي
وأبدأ من الأول من غير ما يتمدِّلي إيد
في الحالتين بتعذِّب وأنا بختار طريقي
معيش بإصحابي ولّا معايا كتير، وحيد"

أدركت إني لو بِعت نفسي مش هحصَّل
خبّيت أحلامي، كانوا عايزينّي مناصفة
إتصالِحت مع شعور إني بقصر
عملت كتير، دايمًا يجي في بالي أكتر
المُحاضر في المنطقة، ثقَّفتكو بكل ثقة
بعد ما خَدت رقم فلكي سِبت لنِدّي حفلة زكا
رابكو ريَّح سيكا، أنا بطَّلت أعملها كده
كل مكتبته أغنية، مغنيين بدون موهبة

إسمع مني، أنا الأصلي آزميلي، الموجة بتعمل كده
‫‫ما بقيتش أسمع الـ Copycats عشان ناكرين جميلي
حسودين باصّين للناس، أكيد باصّينلي، نجم جيلي
تبيع نفسك بكام؟ شاطر بس في الكلام

طول ما عندك سعر طول ما ليك لجام يا زميلي
طول ما عندك سعر طول ما ليك لجام
إنتَ بتعمل شغل بايظ، بتلِم بيه الدبان
وتحب أوي أما تجعلصها الناس وتقول عليك فنان
زميلي، عُمر ما الأغنية ما تعمل قيمة للإنسان
زميلي، المادة سامة، زميلي، الكنز في الإحساس
ماشي بكام مبدأ؟ ما بِعتش الكلام ده
لو ركَّعت القلم يبقى بركَّع التلامذة"

ألبوم ويجز الجديد يتضمن 12 أغنية يسعى لإطلاقها جميعا دفعة واحدة، من بينها: "كبسولة، خسرت الشعب، بيقولوا ما يقولوا، باد دايز، مظهر ومال، افتر بارتي، وازاي تفوتني"، كما يشهد الألبوم تعاونات موسيقية مع عدد من أبرز نجوم الراب محليًا وعالميًا، حيث يجتمع ويجز بكل من الرابر زياد ظاظا في أغنية "غريبة" والنجم النيجيري Seyi Vibez في أغنية "ماما أفريقيا"، كما يتعاون مع الفنان الفرنسي Tayc في أغنية "جيرل فريند"، والجزائري Savage Plug في أغنية "دي".