محمد ممدوح: لما أخس مش حابقى أحمد عز

فى سينما وتلفزيون

الأربعاء , 19 مايو 2021 - 20:05

رد الفنان محمد ممدوح بطريقة طريفة على سؤال من الإعلامي شريف عامر، خلال استضافته في برنامج "يحدث في مصر" على قناة MBC مصر.

وسأل شريف عامر محمد ممدوح: "ناوي تخس تاني؟ ولا بتقول الناس حاباني وأنا تايسون"، فرد قائلا: "حاشوف، معنديش مانع. وأنا برضه لما أخس مش حابقى أحمد عز. لو جالي دور واقتنعنا أنا والمخرج إني محتاج أعمل كده حاعمل كده حالا."

وعن تشجيع الفنان يحيى الفخراني له، قال: "هو ليه بعد ربنا سبحانه وتعالى فضل كبير في موضوع إني أخس. قال لي خس عشان صحتك مش عشان التمثيل، وأنا قلت له ممكن الفرق يبقى طفيف بس حتشوف الفرق. وقال كلام جميل جدا على مسلسل قابيل، وكلمني كمان وإحنا بنعمل زيزي، وبعدها كلمت كريم قلتله فركش خلاص متعملش الحلقة الأخيرة."

واستضاف شريف عامر في هذه الحلقة أبطال مسلسل "خلي بالك من زيزي" أمينة خليل، ومحمد ممدوح، وعلي قاسم، إلى جانب مخرج المسلسل كريم الشناوي.

يذكر أن مسلسل "خلي بالك من زيزي" عرض في رمضان الماضي، وهو من بطولة أمينة خليل، محمد ممدوح، علي قاسم، صفاء الطوخي، نهى عابدين ونخبة من نجوم الفن. المسلسل من تأليف مريم نعوم، وإخراج كريم الشناوي.