فيديو - رسالة أنغام لجمهورها قبل حفلها في لندن: حبايبي الغاليين وحشتوني

محمد سليم | فى موسيقى وحفلات

أنغام

الأحد , 7 سبتمبر 2025 - 22:09 | اخر تحديث: الأحد , 7 سبتمبر 2025 - 22:09

تستعد النجمة أنغام لإحياء حفلها الغنائي المرتقب في لندن بعد أيام، وذلك عقب عودتها من رحلتها العلاجية.

ونشرت الصحفة الرسمية لأنغام بموقع التواصل الاجتماعي إنستجرام برومو الحفل ورسالة صوتية من أنغام قالت فيها: "حبايبي الغاليين وحشتوني، جمهوري الغالي متحمسة جدا ومشتاقة جدا للقائكم في ألبرت هول في لندن يوم 23 سبتمبر".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أنغام

وأضافت الصفحة: " بعد رحلة صعبة اجتازتها بالإيمان وقوة الدعاء تعود انغام لتقف على واحد من أعظم المسارح العالمية رويال ألبرت هول بلندن، يوم 23 سبتمبر، في أمسية موسيقية لن تتكرر.

View this post on Instagram

A post shared by Angham (@anghamofficial)

إنها ليست مجرد حفلة، بل لحظة لقاء طال انتظارها.. ليلة تكتب سطورًا جديدة في حكاية فنانة غيّرت وجدان أجيال كاملة.

أنغام تدعوكم من القلب.. لتشاركوها هذه العودة الاستثنائية، وتكونوا جزءًا من أمسية خالدة تبقى في الذاكرة إلى الأبد".

يذكر أن أنغام حرصت على توجيه الشكر لجمهورها عقب عودتها من رحلتها العلاجية الأخيرة، معبرة عن امتنانها لوقوفهم بجانبها والدعاء لها خلال مرضها ورحلة علاجها في ألمانيا.

طالع أيضا - #شرطة_الموضة: ياسمين الخطيب بفستان وردي لامع وضيق يظهر رشاقتها في حفل ملكة جمال مصر 2025

أنغام

وقالت أنغام في رسالة صوتي: "صباح الخير.. أنا فكرت أكتب ولا أتكلم بصوتي، وحسيت إنه محتاجة أتكلم معاكم بصوتي، وأقول لكم، لكل حد وقف جانبي ودعالي من قلبه وكل شخص اكتشف أنه بيحبني، أو حتى مكنش بيحبني وقرر بإنسانيته وحنيه وقلبه أنه يدعيلي ويدعمني في المحنة اللي عديت بيها، بشكركم من كل قلبي".

أنغام

وتابعت أنغام وهي تبكي: أنتم دعيتم وربنا استجاب، ودعاءكم كان هو الدواء وهو الإيد اللي بتطبطب وهو الحنية وهو اللي وقفني على رجلي بعد ربنا وبعد الدكاترة، مش عارفة أقول ايه ومش عارفة اتكلم ومش عارفة ما ابكيش من فرحتي والإمتنان للشكر لله ولكم، اللي مالي قلبي دلوقتي وموقفني على رجلي أنكم دعيتم لأنغام من قلوبكم، وكمان دعيتم لأم اتمنت من ربنا إنها تكمل كمان شوية عشان تكمل الحياة مع أولادها وتفرح بهم وترجع تعيش وسطهم تاني، أنا كان كل خوفي إني أسيب ولادي، مكنتش عايزة حاجة خالص من الدنيا غير إني بدعي من ربنا إني ارجع لولادي نفسي أكمل مع ولادي وارجع أعيش وسطهم تاني".