عمر متولي: عادل إمام كان زملكاوي "بالعند"

نهال ناصر | فى حياة المشاهير

عمر متولي وعادل إمام

الأربعاء , 3 سبتمبر 2025 - 17:09 | اخر تحديث: الأربعاء , 3 سبتمبر 2025 - 17:09

كشف الفنان عمر متولي سرا عن خاله الفنان عادل إمام وتشجيعه للنادي الأهلي.

وحكى خلال لقائه ببرنامج "في الاستاد" مع محمد عبد الوهاب عبر إذاعة وقناة "نجوم FM" قائلا: "عادل إمام حبيبي كان زملكاوي زمان "بالعند" وهو ملوش في الكرة، مع الوقت بقى ليه في الكرة ولقى ابنه "رامي" بيقول "أهلي أهلي" وهو طفل وهو مش بيعلمه يقول كده، تابع شوية وحب الأهلي جدا وبقى أهلاوي وبعدين بطل يقول هو أهلاوي ولا زملكاوي عشان محدش يزعل".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأوضح عمر متولي أن حبه الكبير لكرة القدم وتشجيعه للنادي الأهلي كان بسبب والده الفنان الراحل مصطفى متولي.

نرشح لك: فيديو - بسمة بوسيل تخطف الأنظار على السجادة الحمراء بمهرجان فينيسيا السينمائي

وقال عمر متولي: "أبويا الله يرحمه كان كروي أوي وهو السبب في تشجيعي للكرة، كنت أصحى ألاقيه قاعد يتفرج على الماتش بتاع الأهلي وجنبه التليفون الأرضي وكل همسة في الملعب تحصل كل تعليق يجي ليه عايز يقوله يرفع التليفون ويتكلم يقول "الواد دا شفت شاط الكرة" ويقفل من غير ألو أو سلام ويطلع بيكلم مين؟ عم صلاح السعدني الله يرحمه".

وأكمل عمر تولي: "الاتنين بيتفرجوا على الماتش كده 90 دقيقة، شوية وتليفون أبويا يرن يرد يقول "أه أه" ويقفل أتاري التاني بيقوله الواد دا مينفعش لازم يخرج مش بيقولوا ألو، بدل ما الكلام يقوله للي حواليه بيكلم صلاح السعدني يقوله".

View this post on Instagram

A post shared by NogoumFM (@nogoumfm)

يذكر أن آخر أعمال عمر متولي كان فيلم "بنسيون دلال".

الفيلم من تأليف شادي الرملي وحسين نيازي وبطولة بيومي فؤاد وعمر متولي ومحمود حافظ ووليد فواز ومحمد رضوان وطاهر ابو ليلة و ابرام سمير وأسامة السيد الشهير بميكا وخالد سرحان و امجد الحجار و جيهان خيري و الحان المهدي و اسراء رخا ميشيل ميلاد ويوسف اسماعيل و امجد عابد و أسامة عبد الله وسلمى المحجوبية وغادة طلعت و ضيفة شرف الفيلم النجمة نسرين أمين ومن إخراج شادي الرملي.