محمد سامي: ربنا يديم على الفن نعمة منى زكي

نهال ناصر | فى حياة المشاهير

محمد سامي ومنى زكي

الأربعاء , 3 سبتمبر 2025 - 10:09 | اخر تحديث: الأربعاء , 3 سبتمبر 2025 - 10:09

تحدث المخرج محمد سامي عن الفنانة منى زكي ووصفها بأنها النجمة الأهم والموهبة الأكبر.

وكتب محمد سامي عبر حسابه على Fecebook: "ليه منى زكي؟ كنت بتكلم مع من زكي بسلم عليها وقعدت أتكلم معاها شوية، وأدخل من موضوع لموضوع وبعد ما قفلت سألت نفسي أكثر من سؤال، ليه منى زكي فارقة كتير؟، ليه عندها بريق من نوع خاص، ليه هي النجمة الأهم والموهبة الأكبر، ليه هي سابقة جيلها بفرق كبير جدا رغم إن جيلها قوي وفيه زميلات نجوم حقيقيين على جميع المستويات وموهوبين وناجحين وقدموا أعمال مهمة ولكن محدش وصل لأنه يبقى منى زكي، ليه فضلت من أول يوم ليها كممثلة لحد النهاردة أيقونة يصعب تكرارها أو القرب من حجم اسمها ومكانتها على المستوى الفني أو على مستوى النجومية والموهبة أو حب الجمهور".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمد سامي: "ليه منى زكي أكثر ممثلة تصدقها وتتوحد معاها، ليه لو فكرت في ممثلة تلاقي صورة منى زكي هي أول صورة تيجي في بالك، بإختصار لأن منى زكي مثقفة متعلمة راقية متطورة مش بتمثل وخلاص ولا بتظهر وخلاص ولا بتتكلم وخلاص ولا مهتمة بتفاصيل الناس الفاضية، ست كلامها مرتب وأسألتها ليها معنى وهدف وأنا بتكلم معاها ما بلاقيش لحظة من النقاش دخل في جدل بلا هدف أو كلام من أجل الكلام وخلاص، الست دي وهي بتتكلم عن الفن تحب تسمعها ولما توصف الفن تفرح إنك تنتمي ليه من طريقة كلامها عنه، لما تناقش معاها أي موضوع تلاقي وعي وحكمة وتحضر وثقافة، ست ناجحة وزوجة وأم ناجحة، لما تتفرج على أي مشهد ليها بتلاقيها خلته مش عادي، بتشوف تحضير ومذاكرة ورؤية ومجهود واضح وعلام وعقل مترتب وده بيبان في أصغر التفاصيل، بتقدم أي مشهد صعب ببساطة وشياكة من غير تصنع أو تشتيت، طريقتها في النقد شيك وتبسيطها لصعوبة أدوار عملتها بيدل على ثقتها في نفسها اللي بلا حدود، حتى لما نبص للقائتها أو لدورها في المجتمع أو كلامها في ندواتها حتى في الإعلانات اللي قدمتها أو أفلامها ومسلسلاتها أو لبسها في أي ظهور ليها حتى لو مش رسمي هتلاقيها بتعرف تنتقي وهتلاقي دايما في جودة ورمز مشرف للست المصرية".

نرشح لك: فيديو - بسمة بوسيل تخطف الأنظار على السجادة الحمراء بمهرجان فينيسيا السينمائي

محمد سامي ومي عمر

واختتم: "بجد الكلام على عظمة منى زكي صعب يخلص في بوست، بس حسيت بعد ما قفلت معاها إني عايز أكتب كده من كتر ما استمتعت بالكلام معاها كالمعتاد، يا بخت الفن المصري والعربي بنجمة النجوم منى زكي، و يابخت كل فنان وفنانة حضرها ونسب لفترة هي فيها، يا بخت كل زمايلها اللي من جيلها إنهم من جيل منى زكي ويا بخت كل ممثلات الجيل اللي بعدها إنهم عندهم منى زكي يتعلموا منها خاصة إنها جيل أكبر بس عشان بدأت صغيرة إنما مش أكبر منهم سنا بالعكس ما شاء الله عليها قمر وفي عز شبابها ومحافظة على شكلها وأناقتها، ربنا يديم على الفن نعمة منى زكي ودايما ناجحة ومتفوقة وبتمتعنا بكل دور بتقدمه وكل مشهد بتأديه، بحبك يا عظيمة ياللي حببتينا ولسه بتحبيبنا أكتر في مهنتنا".

اقرأ أيضا:

أحمد السعدني عن خوض تجربة الزواج مجددا: أنا سايب نفسي زي اللي راكب الموجة

مي عمر: ياريت نبطل المنظر بتاع أنا مختلف وفوق الترندات ... وأول ما نقرب منها نطير من الفرح وننشر 20 ستوري

شيرين عبد الوهاب تتراجع عن قرارها: ياسر قنطوش هيفضل المحامي بتاعي وماعنديش محامي غيره

نيكول سابا تتحدث عن عدم إنجابها للمرة الثانية: الوقت خطفنا

لا يفوتك: ريمونتادا وخفة دم ونزاهة.. بداية نارية في الحلقة الأولى من "غالب ولا مغلوب"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5