عمرو يوسف: مصطفى غريب حنفية إيفيهات عايزة جلدة ... وأسطورة في اللغة العربية

مي جودة | فى حياة المشاهير

مصطفى غريب وعمرو يوسف

الثلاثاء , 2 سبتمبر 2025 - 13:09 | اخر تحديث: الثلاثاء , 2 سبتمبر 2025 - 17:09

تحدث النجم عمرو يوسف عن علاقته بالفنان مصطفى غريب بعد تعاونهما في فيلم "درويش" الذي يعرض حاليا في دور السينما.

قال عمرو يوسف: "مصطفى غريب عسل أودام الكاميرا وورا الكاميرا، حنفية إيفيهات لازم تقفلها وتخنار الوقت اللي تقفلها فيه، محتاج يغير جلدة، ومن أطيب الناس اللي قابلتهم في حياتي"، حسب تصريحاته لبرنامج "الحكاية" الذي يقدمه الإعلامي عمرو أديب.

وتابع عمرو يوسف: ممكن أقول لك على حاجة محدش في الدنيا يعرفها، بداية معرفتي بمصطفى غريب قبل ما يتشهر، كانت من حوالي 5 6 سنين، وكان بيعمل مشهد أو مشهدين حاجات بسيطة أوي، اتعرفت عليه أنا ازاي بقى؟ كان بيذاكر لي اللغة العربية، مصطفى غريب شاطر جدا، وعلى فكرة أنا شاطر جدا في العربي والنحو والصرف، بس هو أسطورة، وأقوى من أي مدرسة عربي كمان في الإلقاء والأداء، الكلام دا يقعده في البيت ومش عايز يسمع الكلام دا دلوقتي، وكان معروف في الوسط الفني إن أنت لو محتاج في اللغة العربية، وكان في بيننا قعدات كتير جدا للنصوص وتغيير الحرف وضبط الكلمات

ويشارك في بطولة فيلم "درويش" مع عمرو يوسف كل من: دينا الشربيني، وتارا عماد، ومصطفى غريب، ومحمد شاهين، وخالد كمال، تأليف وسام صبري، وإخراج وليد الحلفاوي.

تدور أحداث الفيلم حول "درويش" الذي عاش حياته وفق قاعدة واحدة: "فكر بسرعة، وتحرك أسرع". قاعدة جعلته يتخذ قراراته في لحظتها، ويمشي وراءها بلا تردد. لكن هذه المرة، الأمور خرجت عن السيطرة. صفقة واحدة تقلب حياته رأسا على عقب، وتدخله في عالم لا يشبهه: مليء بالمجوهرات المسروقة، والاتفاقات الملتبسة، وقصة حب لم تكن في الحسبان. وبين مطاردات من كل صوب، وامرأتين تشدان به في اتجاهين متضادين، تبدأ لعبته القديمة بالتفكك، وتتحول السرعة إلى فوضى.