عفاف مصطفى: يسرا ولبلبة نجمات صف أول وأسرة عادل إمام بتسمح بزيارتهم ليه

FilFan | فى حياة المشاهير

عفاف مصطفى ويسرا وعادل إمام

الإثنين , 21 أغسطس 2023 - 11:08 | اخر تحديث: الإثنين , 21 أغسطس 2023 - 11:08

أكدت الفنانة عفاف مصطفى أنها لم تبحث عن التريند بعد حديثها عن الفنان عادل إمام وأن كل ما تريده هو زيارته، موضحة أن هناك فنانات تمكن من ذلك الأمر.

وقالت عفاف مصطفى خلال مداخلة هاتفية عبر برنامج "تفاصيل"، الذي تقدمه نهال طايل عبر فضائية "صدى البلد 2": "رامي إمام مش بيرد على حد خالص، حتى لما كلمته مردش على الرسايل واضح أن في خصوصية بس أعرف أن في ناس بتزوره في البيت ونفسنا نطمن عليه ونشوفه، يمكن أسرة الزعيم عادل إمام بتخجل أن ست تروح تزوره لكن النجمات زي يسرا ولبلبة صف أول وزملائه ففي مساحة حوار وصداقة كبيرة بينهم".

يسرا من عيد ميلاد عادل إمام

نرشح لك: محمد الحلو يرد على منتقدي "عمار يا سعودية": ظلمتوني وظلمكم جاب حفلة ثانية

وتابعت متحدثه عن رامي إمام: "رامي إمام شخص خجول ومهذب جدا أجمل حاجه في أولاد عادل إمام أنهم تربوا تربية خاصة مشوفتش زيهم في الأدب والأخلاق والتواضع والخجل، وأنا اتعاملت معاه في مسلسل "العراف" و"عايزة أتجوز".

عادل إمام

وخلال المداخلة الهاتفية كشفت عفاف مصطفى عن بداية علاقتها بعادل إمام وقالت إنها بدأت العمل معه في مسلسل "العراف" ورشحها بعد ذلك لمسلسل "أستاذ ورئيس قسم".

وقالت: "أنا اتعودت اتواصل مع عادل إمام تلفونيا، أو أروح اللوكيشن أسلم عليه وأباركله لو أنا بصور معاه أو لو مش بصور معاه، هو شخصية جميلة ولطيفة جدا وفوق الصورة اللي الناس بتتكلم عنها".

عفاف مصطفى وعادل إمام

وأكملت عفاف مصطفى: "الزعيم عادل إمام كان بيقولي مفيش حد غيرك بيعرف يضحكني يا عفاف، أنا ممكن مضحكش حد على الشاشة بس أضحكه في الحقيقة، كان دايما يقولي تعالي أقعدي يا عفاف وضحكيني وكنت على طول بتواصل معاه تلفونيا وكنت أحكي له أني بصور في لوكيشن جنبه، كان يقولي تعالي اتفضلي أشربي فنجان قهوة أقوله لأ مش فاضية عندي تصوير، على طول كان بيسأل عني ويطمن ولو تعبانه كان بيقولي طيب أبعتلك دكتور علشان الموضوع ميكبرش، وكان يتصل تاني يوم ويتطمن عليا، هو حد جميل و طيب وودود".

اقرأ أيضا:

شريف خير الله: جمال العدل رفض مشاركتي في "ريا وسكينة" وحلف بالطلاق

حذف أغنية "العقد" لإليسا من يوتيوب بعد ساعات من طرحها

عفاف مصطفى: مادلين طبر عندها حق في اللي قالته عن الزعيم ... وكتبت "البوست" عشان أنكش رامي إمام

من بينهن آن هاثاواي .. 3 ممثلات رفضن دور Barbie قبل مارجو روبي

لا يفوتك: ساعة مع الفنان علي الحجار ... حكاوي وفن وغنا

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5