شاركت النجمة إلهام شاهين جمهورها عبر صفحتها الرسمية في موقع التواصل الاجتماعي إنستجرام مجموعة من الصور استعرضت من خلالها تنوع أزياء "اعتماد الهوراي"، الشخصية التي تقدمها في مسلسل "سيد الناس".
وظهرت إلهام شاهين في الصور في إطلالات مختلفة لدورها في مسلسل "سيد الناس"، وحازت الصور إعجاب جمهورها.
يذكر أن إلهام شاهين كشف في تصريحات لموقع (في الفن) عن ملامح دورها في مسلسل "سيد الناس" قائلة: "اعتماد الهواري مختلفة ومش شبه أي حاجة أنا عملتها وأنا دايما عايزة أقدم جديد وعايزة أظهر بشكل مختلف ومش عايزة أكرر نفسي، فلما بلاقي دور جديد وأنا معملتوش قبل كده بيبقى فيه نوع من التحدي، هي مش مجرد شريرة هي عنيفة وغلاوية، في شرير وممكن يبقى هادي بيعمل تصرفات فيها شر بهدوء ومش باين عليه أنه شرير، لكن "اعتماد" باين عليها أنها شريرة وعنيفة وردود أفعالها عنيفة ودايما عندها حالة غل، الشر أنواع كتير وهي نوع الشر بتاعها فاقع".
وتابعت متحدثة عن الشخصية: "هي شخصية مش تقليدية ورد فعلها غير متوقع، كنت بقول في الأول هي مرات أب سيئة لكن هي كأم سيئة هي مش بتحب حد، بشوفها معقدة نفسيا مش طبيعية هي عمرها ما اتحبت ودا مخليها عندها نقص، اتجوزت صغيرة وجوزها محبهاش واتجوز عليها، هي بتغطي على كسرتها بالهجوم على أي حد".
مسلسل "سيد الناس" بطولة عمرو سعد، خالد الصاوي، الهام شاهين، منه فضالي، أحمد فهيم، رنا رئيس، نشوى مصطفى، عماد زيادة وآخرين، تأليف وإخراج محمد سامي.
الألبوم إعداد – محمد سليم