أكرم حسني يطرح "يا خراشي" ... تعرف على كلماتها

فى موسيقى وحفلات

الإثنين , 18 نوفمبر 2024 - 21:11

طرح الفنان أكرم حسني قبل قليل أحدث أعماله الغنائية "يا خراشي"، عبر موقع الفيديوهات الشهير يوتيوب.

وأغنية "يا خراشي" من كلمات أكرم حسني، وألحان كريم عاشور، وتوزيع موسيقي أحمد وحيد كينج، وتقول كلماتها:

لما وزعوا اللذاذة خدتي اكتر ماللزوم
لما صوروا المزازة جم عليكي و عملوا زووم
كل الناس سألت لماذا في الجمال ملكيش مثيل
في قانون للجاذبية راجعوا منهج العلوم

في الحلاوة و الشياكة ازاي مابتدرسيش
في حلاوة زي ديا مش هنهزر لأ مفيش
احسبوها يمين شمال .. مش هتلاقوا في الجمال
حد زيك ده انتي نجمة واقفة سينجل عالافيش

يا خراشي يا لهوي .. يا خراشي يا لهوي .. يا خراشي يا لهوي .. يا خراشي
يالهوي يا خراشي .. يالهوي يا خراشي .. يالهوي يا خراشي .. يا خراشي

ألف بعثة جم يشوفوا جغرافية البلاد
واما شافوا لون عنيكي قفلوا باب الاجتهاد
اعلنوا ان عنيكي دولة .. وقعت كل العتاولة
مين ينول شرف المحاولة .. ياللي نطقتي الجماد

التاريخ هيقول في وصفك امرأة هزت عروش
وللا وصفك حاجة صعبة الكتب متوصفوش
طب حلاوتك ديا لعنة و للا سحر من بتاعنا
طب وعزة من جمعنا الف معني مايقدروش

من ناحية أخرى، يستعد أكرم حسني لانطلاق أحدث أعماله المسرحية "ألف تيتة وتيتة"، التي تعرض ضمن فعاليات موسم الرياض في الفترة من 21 إلى 25 نوفمبر الجاري.

يشارك في بطولة مسرحية "ألف تيتة وتيتة" إلى جانب أكرم حسني كل من بيومي فؤاد وميرنا جميل ومجموعة من النجوم.