فيديو- معجبة تقتحم المسرح وتحتضن تامر حسني … ويسألها: طب هغني إزاي؟

نهال ناصر | فى حياة المشاهير

تامر حسني والمعجبة

الأحد , 3 أغسطس 2025 - 10:08 | اخر تحديث: الأحد , 3 أغسطس 2025 - 10:08

يبدو أن مواقف النجوم مع المعجبين على المسرح لن تنتهي، تعرض الفنان تامر حسني لموقف طريف على المسرح بسبب معجبة.

أحيا تامر حسني حفلا غنائيا في الساحل الشمالي، وخلال غنائه صعدت معجبة على المسرح وحضنته بقوة ولم تفلته من يديها.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

حاول تامر حسني إبعادها عنه لكنها رفضت وأمسكت به بقوة، وحاولت واحدة من فرقته الموسيقية التدخل وسحبها وإبعادها عنه وفشلت أيضا.

نرشح لك: نيللي وياسر جلال وماجدة زكي من بينهم … النجوم في حفل زفاف حفيدة فيروز وبدر الدين جمجوم

تامر حسني

ومازح تامر حسني المعجبة وقال لها: "هخليكي قاعدة جنبي طيب هخليكي جنبي والله، بقينا مسرحية النهاردة، طب هغني إزاي أنا كده، الناس جايه كل دا عشان إيه".

وفي النهاية تمكن تامر حسني من إقناعها وجعلها تجلس على المسرح بجوار الفرقة الموسيقية وطلب لها عصير برتقال.

View this post on Instagram

A post shared by ET بالعربي (@etbilarabi)

وقدم تامر حسني أغاني ألبومه الجديد "لينا معاد" كما غنى مجموعة من أغانيه وسط تفاعل كبير من الجمهور.

على جانب آخر، وجه تامر حسني رسالة لجمهوره يكشف فيها عن كواليس ألبومه الجديد "لينا ميعاد"، الذي طرحه مؤخرا عبر المنصات المختصة في الموسيقى.

كتب تامر حسني عبر صفحته بموقع Facebook: "هنتهز الفرصة الجميلة دي إن أغنية (الذوق العالي) مع حبيبي اللي بموت فيه الـ King محمد منير تريند عام رقم واحد، وفي تريند الموسيقى لسه أول يوم أهوه، والـ ١٣ أغنية بتوع ألبوم (لينا معاد) في التريند، عايز أقولكم حاجة، عشان كنت أوصل إن ألبومي يدخل التريند كله، وبعيداً عن التريند يعجبكم كده… أنا مشيت مشوار كبير، أوله إني كنت بقرأ كل تعليقاتكم السلبية قبل الإيجابية، لأني عارف إنكم بتحبوني، وده خلاني أركز وأحلف جوا نفسي إني لازم أفرحكم وأخليكم فخورين بالمجهود اللي عملته".

وتابع تامر حسني: وتاني حاجة، احترمت ذكرياتكم اللي على صوتي، وتعبت تعب مش طبيعي، ودخلت مستشفيات نص السنة ومش بحب أقول ولا أنزل أخبار من دي، يا جماعة أنا بحبكوا أوي، ومن يوم ظهوري وأنا واحد منكم، عارف إن في ألبومات مكانتش قد توقعاتكم، وإن في ألبومات علامات مش هتتنسي، هي دي الحياة، شوية كده وشوية كده، بس عارف مدى حبكم لألبوم "عيش بشوقك"، فكان جوايا تحدي واحد بس، إني أتحدى نفسي في عيش بشوقك وأتفوق عليه.

وأضاف تامر حسني: فضلت أذاكر السوق الغنائي، وتغير أنماط الموسيقى اللي أنا بحترمها كلها، وبحترم كل الفنانين اللي نجحوا فيها، فضلت أطور من أدائي، وأذاكر جوا الاستوديو مع مهندسين صوت لمدة سنتين، وأجتهد مع الموزعين والملحنين والشعراء اللي بشتغل معاهم في تقديم أجدد شيء، ويمكن زعلوا مني كتير من كتر ما أنا عمال أغير وأعدل وأعيد من أول وجديد، بس دلوقتي فرحتي بالدنيا وهما بيشكروني قدامكم وعلى تليفوني من الإشادات اللي سامعنها منكم في حقهم.

واستكمل تامر حسني: اشتغلت الألبوم ده وأنا جوايا عناد رهيب إن الألبوم كله يعجبكم، أكيد هيكون في تفاوت في الإعجاب، بس المهم إنكم قدرتوا مجهودي والتنوع اللي قدمته في الأوديو والڤيديو، متشكر من قلبي لكل حد نصحني، وكل حد نقدني عشان بيحبني، أنا سمعت كلامكم وتعبت أوي، وانتوا أكيد شايفين، تعبت عشانكم، وعشان برضو أحاول أكون واجهة فنية موسيقية جميلة لمصر، بحكم إني بسافر كتير أغني قصاد العالم، واسمي مطرب مصري عربي.

اقرأ أيضا:

#شرطة_الموضة: مي عمر بإطلالة صيفية أنيقة ... سعرها 270 ألف جنيه

تفاصيل أزمة كاظم الساهر في مهرجان أهدنيات... طلب من منظمي الحفل حذف صورته

محمد حماقي يتحدث عن ألبومه الجديد ... سيطرحه قريبا

لي لي أحمد حلمي: زرت مامي في كواليس تصوير فيلم "الست" وإخواتي معرفوهاش

لا يفوتك: للأطفال فوق الـ 20 سنة ... 3 أفلام أنيميشن لازم تشوفهم

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5