ياسر جلال يكشف سبب عدم ظهوره في برامج رامز جلال: عايز ناس دمها خفيف

نهال ناصر | فى حياة المشاهير

ياسر جلال

الجمعة , 4 أبريل 2025 - 12:04 | اخر تحديث: الجمعة , 4 أبريل 2025 - 12:04

كشف الفنان ياسر جلال لماذا لا يظهر في برامج المقالب التي يقدمها شقيقه الفنان رامز جلال.

وقال ياسر جلال في "لايف" عبر حسابه على Facebook: "برنامج رامز أنا بتفرج عليه وبحب رامز فيه الناس فاكرني لو طلعت معاه هضربه، أنا لو فرضا اتعمل فيا مقلب عمري ما هضرب أخويا، أبونا زمان غرز فينا حبنا لبعض أنا مقدرش محبش رامز مهما عمل فيا لو عمل فيا مقلب لا هشتمه ولا هضربه ولا هجري وراه هاخده في حضني والحاجة التانية أنا مش حاسس أني هبقى مفيد في البرنامج هو عايز ناس دمها خفيف وأنا بعمل أدوار جادة شوية".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ياسر جلال

وعن فكرة تعاونه مع شقيقه في فيلم قال ياسر جلال: "أنا بعشق رامز جلال أخويا وحبيبي هو كلمني قبل كده على عمل وأستاذ وليد صبري كلمني على عمل مع رامز المشكلة لازم نقدم موضوع ينفعنا ونبقى في الشكل اللي الناس نفسها تشوفنا فيه قبل ما أعمل فيلم مع رامز لازم أشوف الناس نفسها تشوفنا إزاي دا أهم حاجة عشان هيبقى مرة وتبقى ذكرى حلوة بينا أنا سعيد أني مثلت معاه وطلعت ضيف شرف في فيلم "سبع البرمبة" أنا بحب الفيلم دا وبحب أفلام رامز عموما".

نرشح لك: ميرنا نور الدين: أحمد العوضي ضربني بجد في "فهد البطل" واتعورت في وشي

ياسر جلال في لايف على فيسبوك

يذكر أن ياسر جلال شارك في موسم رمضان 2025 بالجزء الثاني من مسلسل "جودر".

ياسر جلال

مسلسل "جودر" من بطولة الفنان ياسر جلال، وتلعب البطولة النسائية أمامه الفنانة نور اللبنانية، بمشاركة كل من الفنانة ياسمين رئيس، أحمد فتحي، وليد فواز، وفاء عامر، أيتن عامر، سامية الطرابلسي، عبد العزيز مخيون، أحمد بدير، محمد التاجي، جيهان الشماشرجي، أحمد ماهر، عايدة رياض، محمود البزاوي، فتوح أحمد، محمد علي رزق، إسلام حافظ، مجدي بدر، هنادي مهنا، تأليف أنور عبد المغيث وإخراج إسلام خيري.