ميرنا نور الدين: أحمد العوضي ضربني بجد في "فهد البطل" واتعورت في وشي

نهال ناصر | فى سينما وتلفزيون

أحمد العوضي وميرنا نور الدين

الجمعة , 4 أبريل 2025 - 10:04 | اخر تحديث: الجمعة , 4 أبريل 2025 - 10:04

تحدثت الفنانة ميرنا نور الدين عن كواليس مسلسل "فهد البطل" والمشاهد التي قام أحمد العوضي فيها بضربها مؤكدة أن الضرب كان حقيقيا.

وقالت ميرنا نور الدين في لقائها ببرنامج "الراديو بيضحك" مع فاطمة مصطفى عبر إذاعة "الراديو 9090": "في ناس بتفتكر أن أحمد العوضي مبيضربش بجد في المشاهد وأنا قلت له إني هقول للناس أنك ضربت كل واحد فينا، هو بيضرب بجد بس طبعا عنده تكنيك وعارف بيضرب إزاي بس أنا واحدة من الناس اللي اتعورت غصب عنه لأنه بيبقى لابس خاتم فعورني في وشي وإيده عفية لما بيمسك إيدي بتوجعني حتى أكتر ما بيضربني بالقلم".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد العوضي وميرنا نور الدين وكارولين عزمي وعصام السقا

وتابعت ميرنا نور الدين: "أحمد العوضي لما ضربني بالقلم قالي لازم أضربك عشان تحسي بالمشهد وبعد ما خلصنا قلت له حسيت خلاص".

نرشح لك: فيديو – دينا: رانيا يوسف مابتعرفش ترقص ... شوفتها لابسة بدلة رقص ضحكت

ميرنا نور الدين

وأكملت ميرنا نور الدين: "مش أول مرة نشتغل مع بعض أنا وأحمد العوضي بس دي أول مرة يبقى مساحة كبيرة مع بعض هو من أكتر الناس مش بيركز مع نفسه بيركز معانا، عايز أن إحنا كلنا ننجح مش هو بس وبالتالي طول الوقت بنتناقش عن المشاهد مع بعض، لو في لازمة معينة إحنا أصحاب أنا وهو وكارولين عزمي وعصام السقا وكان ممكن يتريق لو قلت جملة بطريقة معينة يقولي دي مش من "شق التعبان" إعدلي لسانك زي كلمة "بالله" أول أيام التصوير كنت بقولها عادي بطريقة ميرنا مش "كناريا" هو كان بيساعدني جدا والكيميا بينا حلوة".

ميرنا نور الدين من كواليس "فهد البطل"

ومسلسل "فهد البطل" بطولة أحمد العوضي وأحمد عبدالعزيز ومحمود البزاوي ولوسي وكارولين عزمي ويارا السكري وعصام السقا وصفاء الطوخي وحجاج عبد العظيم ومحسن منصور وحمزة العيلي وأحمد ماجد وعايدة رياض وصفوة ومصطفى حشيش وعايدة فهمي ومجدي بدر ومحمد مهران ومحمد صلاح آدم ومحمد أبو داود ومراد فكري صادق، وهو من إخراج محمد عبدالسلام وتأليف محمود حمدان.