مي فاروق ترد على انتقادات حفل زفافها: عملت إيه يضايق الناس؟

نهال ناصر | فى حياة المشاهير

مي فاروق ومحمد العمروسي

الإثنين , 6 يناير 2025 - 10:01 | اخر تحديث: الإثنين , 6 يناير 2025 - 10:01

ردت الفنانة مي فاروق على الانتقادات التي وجهت لها بعد حفل زفافها على الفنان محمد العمروسي.

وقالت مي فاروق في مداخلة هاتفية مع الإعلامي عمرو أديب ببرنامجه "الحكاية": "أنا معملتش حاجة أنا اتجوزت بس والحمد لله كان يوم حلو وكل الناس اللي كانت موجودة كانت جايه بحب وفرحة، كل الفنانين والناس وولادي كانوا فرحانين وكان يوم جميل لكن معرفش بعد كده إيه اللي حصل مش فاهمة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

حفل زفاف محمد العمروسي ومي فاروق

ووجه عمرو أديب سؤالا لمي فاروق إن كان لها أعداء هم وراء حملة الهجوم عليها عبر مواقع التواصل الاجتماعي لتجيبه: "أنا معرفش عندي أعداء ولا لأ لكن كل الناس اللي في حياتي علاقتي بيهم طيبة الفكرة أن إرضاء جميع الناس غاية لا تدرك وأنا مبعملش حاجة عشان أرضي الناس كل اللي يهمني أرضي ربنا وأكون أم ولادي يفتخروا بيها طول الوقت وأعمل اللي ربنا قالي عليه في الحلال مليش دعوة الناس بتقول إيه ومعرفش هما بيعملوا كده ليه ولا بيقولوا كده ليه بس دي آرائهم وهما أحرار".

نرشح لك: قبل أيام من عيد ميلادها ... سميرة سعيد تخطف أنظار جمهورها بأول جلسة تصوير في 2025

حفل زفاف محمد العمروسي ومي فاروق

وعن الخوف من الحسد بعد انتشار فيديوهات وصور من حفل الزفاف قالت مي فاروق: "ليه مقولش إني بتجوز قدام الدنيا كلها أنا طول عمري بحاول طول الوقت أعمل كل حاجة مظبوطة، يوم ما بعد 6 سنين أنا أم لأولادي لوحدي ومسئولة عن ولادي وشغلي بس يوم ما أقرر أتجوز أنا واحدة ست عايزة تتبسط وولادي يتبسطوا بيا ومعايا ونفرح ونعمل قدام الدنيا كلها إن أحنا بنعمل حاجة حلوة ترضي ربنا ومبسوطين إيه المشكلة إني عملت، يضايق الناس في إيه؟".

وتحدثت مي فاروق عن تعليقات الجمهور على صور أولادها وتحليلهم لنظراتهم لها وقالت: "الحاجة اللذيذة اللي بتفرج عليها أن الناس بدأت تحلل نظرة ابني ليا ونظرة بنتي ليا ويقولوا أكيد قلبها موجوع، وبعدين أنا الناس محدش يعرف عن حياتي الشخصية حاجة ومحبش أنه ميعرفوا كل اللي حبيت أنهم يعرفوه إني اتجوزت لكن التفاصيل لأ، بس أنا أولادي نمرة واحد في حياتي وكل حاجة بتيجي بعدهم لو أولادي مش مبسوطين ومباركين وراضيين وهما اللي عايزين دا أنا مش هعمله، أنا مليش دعوة بالناس أنا ليا دعوة بالأشخاص اللي ربنا مديهوملي أمانة وبحاول طول الوقت أكون ست قد مسئوليتهم وأم كويسة ويفتخروا بيها".

أولاد مي فاروق في حفل زفافها

وتابعت: "يمكن عشان أنا بحاول أكون في حالي طول الوقت ففاكرة أن الناس المفروض تكون كده لكن الناس مش كده الحمد لله بعد شوية تجارب ومواقف عدت عليا في حياتي اتعملت أن أخلي كل واحد يقول اللي يقوله ويعمل اللي يعمله طالما ربنا شايف حياتي وعيلتي وولادي شايفين مليش دعوة بالناس يحكموا زي ما هما عايزين المهم إني بعمل الصح ويرضي ولادي ويكونوا متشرفين بينا ويرضي جوزي اللي في حياتي دلوقتي أنا مش عايزة حاجة تاني".

وكانت مي فاروق احتفلت بزفافها على محمد العمروسي يوم 2 يناير 2025 وسط حضور عدد من النجوم.

اقرأ أيضا:

نانسي مجدي تهاجم أحمد الفيشاوي: التاتو حرام مش هنألف دين

دنيا سمير غانم تكشف حقيقة حمل شقيقتها إيمي

اشتهرت بسبب "ستار أكاديمي" وتربطها صلة قرابة بـ"أم كلثوم" وفاجأت الجمهور بطلاقها … 24 معلومة عن رنا سماحة

هند صبري ومنة شلبي ويسرا وإلهام شاهين من بينهم … النجوم في عيد ميلاد ليلى علوي

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5