مادلين طبر: خايفة من بيراميدز مش الأهلي واللبنانيين كلهم زملكاوية

نهال ناصر | فى حياة المشاهير

مادلين طبر

الأحد , 20 أكتوبر 2024 - 13:10 | اخر تحديث: الأحد , 20 أكتوبر 2024 - 15:10

تحدثت الفنانة مادلين طبر عن بطولة كأس السوبر المصري التي تنطلق اليوم في دولة الإمارات العربية المتحدة، وتضم 4 فرق هم الأهلي والزمالك وبيراميدز وسيراميكا كليوباترا.

وكونها من مشجعي نادي الزمالك تحدثت عن لقاء الفريق الأبيض في دور نصف نهائي بطولة كأس السوبر المصري أمام بيراميدز وقالت في لقاء مع برنامج "صباح ONTime": "أنا خايفة من بيراميدز مش خايفة من الأهلي، بصراحة ومع احترامي الشديد للحرفية بيراميدز بقى يهدد، كان نفسي الزمالك يلعب الأول مع الأهلي ومش استخفاف بقوة الأهلي دي القلعة الحمراء لكن تخوفي من بيراميدز، لو ربنا نجانا وعدينا المرحلة دي مش خايفة خالص من لقاء الأهلي، الزمالك هيكسب".

مادلين طبر

تابعوا قناة FilFan.com على الواتساب لمعرفة أحدث أخبار النجوم وجيدهم في السينما والتليفزيون اضغط هنا

وكشفت مادلين طبر كيف بدأت تشجع نادي الزمالك وحكت: "أولا مش عايزة أخسر شعبيتي عند الناس اللي بتنتمي للأهلي هتكلم باتزان، بداية المقولة أن معظم اللبنانيين زملكاوية حاجة متفهمش ليه ومعظم السعوديين أهلاوية حاجة متفهمش ليه هي بتحصل كده في دول بحالها بتبقى مياله لفريق ما، أنا جيت مصر في أواخر الثمانينيات كان والدي عنده المرض الخبث وكنت ساكنه في الزمالك وكان معظم الناس اللي حواليه زملكاوية حبيبي سامي العدل الله يرحمه وإسماعيل كتكت مجموعة كلهم زملكاوية".

نرشح لك: أحدث ظهور لـ"كايلا" ابنة دنيا سمير غانم … تيك توك "نيللي وشريهان"

مادلين طبر

وتابعت مادلين طبر: "شافوني بعاني أنا ووالدي وأنه زهقان فقالولي ليه متنتسبيش للنادي الاجتماعي، واللي قدملي للعضوية الفخرية الشرفية اللي على راسي من فوق كان كابتن يكن، وابتدينا ننزل على نادي الزمالك وابتدت الحكاية تكبر، وفي حاجة جمهور الزمالك جمهور مخلص جدا مع احترامي لكل الجماهير، ودي ميزة عندي إني مخلصة".

"خايفة من بيراميدز ومش خايفة من الأهلي 😮 وشيكابالا يعدل كفة الميزان وزيزو خطير🏹 ومعظم اللبنانيين زملكاوية"🔥.. الفنانة مادلين طبر تكشف عن انتمائها الكروي وتوقعاتها للسوبر المصري #صباح_ONTime pic.twitter.com/9DcTaqT1gW
— OnTime Sports (@ONTimeSports) October 20, 2024

كما تطرقت للحديث عن جماهير الزمالك ودعمها للفريق قائله: "دعم الجماهير هيبقى كبير في الإمارات هيبقى في حضور غير الزملكاوية اللي رايحين كوفود على حسابهم يشجعوا واتوقع أن هذه المحبة اللي غامرين فيها النادي بتاعنا إن هو يكافئنا ويكسب وإن شاء الله يكسب بيراميدز ولو وصل يلعب مع الأهلي أيضا يكسبه وتكتمل فرحتنا".

الزمالك وبيراميدز

واختتم حديثها بأمنيتها أن يحقق الزمالك الفوز على بيراميدز ويتأهل للنهائي قائلة: "حلم وأتمنى أن يتحقق وهنصلي وهنتابع وقلوبنا كلها مع الفريقين وربنا يوفقنا في الأول، وبيراميدز أنت طلعتلنا منين، أنا بحبكم عشان شطار لكن لازم نسن أسنانا ونذاكر بيلعبوا إزاي حتى لو غيروا الخطط عندهم نقاط ضعيفة".

ويلتقي نادي الزمالك بنادي بيراميدز الساعة 4:05 مساء اليوم في مباراة نصف نهائي كاس السوبر المصري.