ماندو العدل عن أزمة عمرو مصطفى وعمرو دياب: الانصاف مهم .. الاتنين استفادوا من بعض

نهال ناصر | فى حياة المشاهير

عمرو مصطفى وماندو العدل وعمرو دياب

الأحد , 25 أغسطس 2024 - 13:08 | اخر تحديث: الأحد , 25 أغسطس 2024 - 15:08

دافع المخرج ماندو العدل عن الفنان عمرو مصطفى بعد إعلانه عن خطته لألحانه بعد انتهاء عقودها مع مطربين آخرين، وأن هذه الأغاني ستعود له وسيقوم بغنائها بصوته وبكلمات وتوزيع مختلف، وتفسير البعض أنه يقصد أغاني الفنان عمرو دياب.

وكتب ماندو العدل مفسرا تصرفات عمرو مصطفى ومدافعا عنه وقال: "عمرو مصطفى ملحن كبير وكل تصريحاته الأخيرة و كلامه عن عمرو دياب نابع من فكرة عدم التقدير والإحساس بالظلم".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع ماندو العدل في منشور عبر حسابه على Facebook: "محدش ينكر أن عمرو دياب أسطورة و كان ناجح جدا جدا قبل ما يتعاون مع عمرو مصطفى .. لكن كمان عمرو مصطفي طول عمر عمرو دياب الفني وأضاف لعمرو دياب أغاني hits عاشت وهتعيش".

نرشح لك: أحدث ظهور لـ أسامة عباس بعد استلامه لتكريم مهرجان المسرح المصري: جائزة قيمة في نهاية العمر

ماندو العدل يدافع عن عمرو مصطفى

وأكمل ماندو العدل: "أنا مش مع طريقة عمرو مصطفى أكيد لكن كمان مش عاجبني الناس اللي بتقلل منه وبتتعامل معاه على أنه ملحن عادي .. لا عمرو مصطفى مش عادي وكم نجاحاته مع عمرو دياب وغيره مش عادي".

واختتم ماندو العدل رسالته: "الانصاف مهم .. الاتنين استفادوا من بعض والاتنين فنانين كبار والتقدير مهم للفنان .. عشان كده أنا حاسس بيه".

عمرو مصطفى

وكان عمرو مصطفى كتب عبر حساباته في مواقع التواصل الاجتماعي: "الأغاني اللي عملتها هترجع تاني بصوتي بعد انتهاء مدة حقوقها، فيه أغاني عملتها من سنة 1999، يعني فاضل حوالي عشرين سنة وترجع الحقوق تاني ليا، ووصيتي لأولادي عدم التجديد لاي شخص. هنبتدي ننزلها من دلوقتي بصوتي، لكن بالكلام متغير وتوزيع جديد تماما".

عمرو مصطفى

وتابع: الأغاني دي هتفضل موجودة بصوتي طول العمر، وأي نسخة بصوت أي مطرب غناها قبل كده هتتمسح تماما بعد انتهاء المدة القانونية لها. حنفتح المجال للشباب الجديد إنهم يكتبوا على الألحان دي كلمات جديدة، خلال الخمس أو ست سنين الجايين ده لو في العمر بقيه بأذن الله، هكون محضر كل الأغاني اللي عملتها بصوتي مع كتابات شبابية جديدة، ونصيحه للمبدعين أي تصريح لايزيد عن خمس سنوات.