تنبؤ بحكم الحبس أم صيحة استغاثة من السجن؟ عصام صاصا يشكو من الظلم في "الدنيا قاسية"

محمد سليم | فى موسيقى وحفلات

عصام صاصا

الأحد , 18 أغسطس 2024 - 21:08 | اخر تحديث: الأحد , 18 أغسطس 2024 - 21:08

طرح مطرب المهرجانات عصام صاصا عبر قناته الرسمية في موقع يوتيوب أغنية جديدة تحمل اسم "الدنيا قاسية"، وذلك بعد أيام من إصدار محكمة جنايات الجيزة حكما بحبسه 6 أشهر مع الشغل.

وبحسب صفحة عصام صاصا في موقع التواصل الاجتماعي إنستجرام، فإن الأغنية والكليب الخاص بها تم تسجيلهما قبل شهر، مما يجعل الكلمات بمثابة تنبؤ من عصام صاصا بالأحداث التي انتظرته في الأسابيع التالية.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

عصام صاصا على بوستر أغنية الدنيا قاسية

وجاء المقطع الأول من الأغنية بمثابة مناجاة يعبر فيها عصام صاصا عن أمله في أن الله لن يتركه في هذه الأزمة.

ربنا علشان عالم بيا
مش هيشمتكم يوم فيا
قادر ياكريم تسمع ليا
وتنجينى
انا عارف انك مش هتسبنى
وبلاك معناه ان انت حاببنى
دانا طوب الارض بيحاربنى
طالع عينى

أما المقطع الثاني فيشكو فيه عصام صاصا من حالة الصدمة والحزن التي تسيطر عليه، منذ حادث دهسه لشخص على الطريق الدائري في مايو الماضي.

اه من الحياه بقا كل دا كان مستخبى
انا مش بخير والصدمه هتوقفلى قلبى
غرقان فى بحر دموع مفيش ولا حد جمبى
مبقاش خلاص بأيديا غير انى ادعى ربى

طالع أيضا - اتهم بقتل حارسه الشخصي وأنجب ابنا غير شرعيا ووقعت داليدا في حبه وطلب الموت الرحيم … 25 معلومة عن "أسطورة السينما الفرنسية" آلان ديلون

صفحة عصام صاصا تكشف كوايس الأغنية

ويواصل عصام صاصا في المقطع الثالث الشكوى من حالة الصدمة، التي تركته غير قادر على النوم، ويؤكد أنه تعرض للظلم.

مش عارف انام من تفكيرى
ولا حتى بقرب لسريرى
مظلوم ولا عارف ايه مصيرى
نفسى نسيتها
مصدوم من كتر اللى حصلى
واللى انا بسمعو وبيوصلى
حد يفهمنى يفسرلى
ايه اخرتها

تفاعل جمهور عصام صاصا مع أغنية الدنيا قاسية

وفي المقطع الرابع والخامس تتحدث الأغنية عن وجود أعداء لعصام صاصا أسعدهم ما حدث له، وعن تعرضه للغدر.

العجل لما يقع بتكتر سكاكينو
وكأنهم كانو بالسلاح مستنينو
الغدارين متحولين لكلاب مالينو
سانين سنانهم ليل نهار ومقطعينو

كلو بينهش مين بيسمى
عايزين ياكلونى وانا متغمى
شايفننى وانا بينزف دمى
ومش راحمنى
بالحياه لو طالو يدفنونى
من بكره فى تربه هيرمونى
ويجيبو صوان و يعزونى
الله يعيننى

عصام صاصا

أما المقطع السادس من الأغنية، فيتحدث عن الصعوبات التي واجهها المغني بعد رحيل والده، ومعاناته من اليتم، واضطراره إلى رعاية أسرته.

فارقنى ابويا وسابلى كوم لحم فى رقبتى
من يومها انا اتيتمت و معشتش طفولتى
واخدننى بالظاهر ومش عارفين حقيقتى
بسبب عنيكو على النجاح بدفع ضريبتى

وفي المقطع السابع يقول عصام صاصا إن أزمته تحولت إلى قصة تعرضت للتحريف والزيادة والتأليف، وذلك بسبب النجاحات التي حققها.

انا قصه الناس بتألفها
دايره بتتكلم على كيفها
هى الكواليس مين بيشوفها
اه ياحول الله
بيقولو اشهر شاب فى مصر
ومحقق احلام العصر
عامل ملايين و صاحب قصر
ولعانه معاه

عصام صاصا

وفي آخر مقطع يؤكد عصام صاصا ثقته في الله وتفويض أمره إليه في هذه الأزمة.

معايا كام معايا رب اسمو الوكيل
فوضت امرى اليه وبحالى صبح كفيل
اللى معاه ربه مفيش فى سكتو مستحيل
قادر يزيح الهم والحمل التقيل

عصام صاصا

وفور طرح الأغنية، انهالت التعليقات على حسابات عصام صاصا في مواقع التواصل وعلى يوتيوب، متمنية له أن يخرج من أزمته على خير.

وكان عصام صاصا أعلن في نهاية مايو الماضي عودته لاستنئاف نشاطه الفني بعد شهر من حادث دهسه لشاب على الدائري.

نشر عصام صاصا عبر صفحته الرسمية بموقع Facebook صورة سوداء، وعلق عليها كاتبا: "بسم الله الرحمن الرحيم، ربنا وحده يعلم أنا بكتب الكلام دا وأنا عامل إزاى و فيا إيه، أنا بقالي أكتر من شهر قاعد من غير شغل ومعنديش أي حاجة اعملها غير إني قاعد وما باليد حيلة، ومستني قضاء ربنا سبحانه وتعالي، ومحدش هيفهم أو هيحس بالموضوع غيري" (التفاصيل)

عصام صاصا

وكانت محكمة جنايات الجيزة أصدرت قبل أيام حكما بحبس مطرب المهرجانات عصام صاصا 6 أشهر مع الشغل، وانقضاء الدعوى بالتصالح فى واقعة القتل الخطأ، لاتهامه بالقيادة تحت تأثير مخدر وحيازة مواد مخدرة بقصد التعاطي. (التفاصيل)

عصام صاصا

وكانت السلطات الأمنية في دولة الإمارات ألقت القبض على مغني المهرجانات عصام صاصا، بالتنسيق مع الإنتربول المصري.

جاء ذلك بعد إدراج اسم عصام صاصا على قوائم الترقب والوصول لإدانته في قضايا تعاطي مخدرات ودهس شخص.

اقرأ أيضا:

ريهام سعيد قدمت الحفل وهند عاكف وسميحة أيوب ومحيي إسماعيل ضمن حضور ختام مهرجان المسرح المصري

الفساتين الضيقة والكروشية موضة النجمات في صيف 2024 ... درة وأسماء جلال وجميلة عوض ظهرن بها

رد فعل بوسي شلبي على تقليد أوس أوس لها في مسرحية "التليفزيون" (فيديو)

رقص جومانا مراد على أغنية "روح" لـ مصطفى حجاج في حفل بالساحل الشمالي (فيديو)

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5