تحت شعار "الاعتراف بالخطأ من شيم الكبار"... محمد رمضان يعتذر لأسرة الشاب الذي ضربه في الساحل الشمالي - فيديو

مي جودة | فى حياة المشاهير

لقطة ضرب محمد رمضان للشاب

السبت , 13 يوليه 2024 - 20:07 | اخر تحديث: السبت , 13 يوليه 2024 - 20:07

وجه النجم محمد رمضان اعتذاره لأسر الشاب الذي صفعه بالقلم على وجهه في الساحل الشمالي مؤخرا.

ظهر رمضان في فيديو عبر حساباته بمواقع التواصل الاجتماعي، قال فيه: "الجمهور العدل الأصيل الغالي، ألف شكر، وربنا ميحرمنيش منكم على وقفتكم معايا ومساندتكم وقريت وسمعت دفاعكم عني، وغلطتوا الولد الصغير".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف: بس الفيديو دا أنا عامله عشان أعترف بغلطي وأعتذر لأهل الولد الصغير أني إيدي اتمدت عليه وأنا عارف أنه عيل صغير لأنه لما غلط في الأول قلعته الكاب وبصيت في وشه لقيته عيل صغير، قولتله اسمك ايه يا حبيبي، قالي اسمي كذا قولتله تمام وسبته ومشيت.

وتابع محمد رمضان:ولكن هو غلط تاني فلفيت تاني قولتله هات الموبايل مرضيش فضربته قلم بسيط وبسببه طير له الكاب والنضارة اللي كان لابسها، وإذ كان الناموسة اللي هو ادهاني على وشي فانا استاهل منها خمس زيهم، عشان أنا مديت إيدي على عيل صغير ودي لا رجولة ولا بطولة، فدي الغلطة اللي طالع اعتذر عنها، ولما أخدت الموبايل منه ومسحت الفيديو حد قالي اكسر له الموبايل عشان ميعملش كدا تاني، قولتلهم طب هو غلط ذنب أهله إية يتكلفوا موبايل جديد، قولتلهم سيبوه يروح لأهله، وكان ممكن اعمل له محضر، لإني لما سألت عرفت أنه نازل في قرية تانية "اللوتس"، ودخل "مراسي" وهو مش قاعد فيها.

وانتشر قبل أيام فيديو للفنان محمد رمضان وهو يتشاجر مع شاب ويصفعه، ويظهر رمضان وقد تجمهر حوله عدد كبير من محبيه خلال تواجده في الساحل الشمالي، وبدأوا في التقاط صور معه، ثم فجأة يتجه رمضان إلى شاب ويطلب منه أن يظهر هاتفه المحمول. (التفاصيل)