جيني تدافع عن شيرين عبد الوهاب: اللي يشوف مراته حالتها الصحية والفنية بتدهور كده يبقي سبب

مي جودة | فى حياة المشاهير

جيني كامل وشيرين

السبت , 22 يونيو 2024 - 19:06 | اخر تحديث: السبت , 22 يونيو 2024 - 19:06

علقت المغنية المعتزلة جيني، طليقة الكاتب أمير طعيمة، على أزمة النجمة شيرين عبد الوهاب الحالية بعد انتشار تسريبات صوتية لطليقها حسام حبيب عن شقيقتها محمد.

نشرت جيني صورة تجمعها بشيرين عبد الوهاب عبر حسابها بموقع Facebook من حفل "روائع الموجي"، وعلقت كاتبة: "كلمتبن حق لوجه الله، شيرين عبد الوهاب من أكثر الشخصيات شوفتها في الوسط الفني طيبة وجدعة وبسيطة، شقيت كتير من طفولتها ومحدش له فضل عليها غير موهبتها ونفسها بل بالعكس لها أفضال على ناس كتير وبدون مقابل، تقريبا أنا الوحيدة اللي هاجمت حسام في أزمتها قدام كل الناس في وقت تقريبا كل الناس كانت بتقول هيتصالحوا وفعلا أتصالحوا بعدها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت: قابلتها السنة اللي فاتت في الرياض في حفلة الموجي في فواصل المطربينـ حسام شافني خرج قالت له بقولك ايه بتحبني وبتدافع عني إلا چيني، وفعلا قلت لها لو موتوا بعض أنا مش هتدخل.

شيرين عبد الوهاب

وأضافت: في أزمتي الأخيرة شيرين من القلائل إللي طلبتني وألحت وقالتلي كلام قمر يضحك موت ويبكي في نفس الوقت صحيح ممكن ما نتقابلش كتير بس ممكن نرغي بالساعات في مكالمة كانت بتهزر علي نفسها لأنها كانت أطلقت بالفعل من حسام وسألتها أنتي قاعدة مع مين قالت خلاتي ما تيجي تتعشي معانا، كل ده لازم يتقال في حق واحدة عمري ولا عمرها ما كان لنا مصالح مع بعض بتحبني وبحبها من غير شروط.

واستكملت جيني كاتبة: "هي فعلاً في أزمة وأنا مش عايزة أعرف مين سبب ولا وقت لوم للبنت، بس وبكل أمانة أنا قعدت مع أمها وأختها وأخوها وما شوفتش منهم غير انهم ناس طيبين وعايزينها مبسوطة وعند نفس رأيي اللي يشوف مراته حالتها الصحية والفنية بتدهور كده يبقي سبب لأنه كان لازم يكون له دور لانه ولي آمرها حتي بالعافية وخصوصا إنها بتحبه وأكيد كانت هتسمع كلامه.

طليقة أمير طعيمة جيني كامل تدافع عن شيرين

واختتمت جيني: أنا شايفة ناس نطت من المركب والبنت بتغرق بدل ما نشد أيد بعض أحنا مصممين نغرق بعض في المواقف دي أنا ما بستأذنش حد أساعده أنا بروح علي طول لكن للاسف أنا لا عارفة هي فين ومع مين، في الاخر البنت دي موهبة كبيرة وقبل الموهبة هي إنسانة
أقفوا جنبها ولو في حد. منقذ يتدخل بأيده بقي بعقل بفلوس بنفوذ بسلطة يخش يخلص، ده اللي أنا بفهمه حد يخش يخلص أو هنصحي يوم نعيط بس كلنا".

وكان حسام حبيب يتحدث في المحادثات الصوتية المسربة عن أسرة طليقته شيرين عبد الوهاب، مشيرا إلى أنهم آذوها وهم سبب خلافها مع شركة روتانا.

شيرين عبد الوهاب

يذكر أن حسام وشيرين ارتبطا في أبريل 2018، وشهدت الحياة بينهما العديد من الخلافات، وانفصلا ثم عادا مرة ثانية في نوفمبر 2022، ثم انفصلا آخر مرة في ديسمبر 2023، ليتم إعلان ارتباط شيرين مؤخرا برجل آخر.

اقرأ أيضا:

محمد إمام بعد احتلال فيلمه "اللعب مع العيال" المركز الثاني في إيرادات عيد الأضحى: مش اي حد يقدر ينزل قدام "ولاد رزق"

مي كساب تشارك جمهورها فيديو من رحلة الحج: الحمد والشكر لله أنا بقيت حجوجة صغننة

إحساسي بالشخصية ... محمود العزازي يتحول لعادل إمام

ابنة مريم فخر الدين ترد على تصريح: بنتي نفسها تطلع ولا حاجة

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5