نيللي كريم عن باسم سمرة: كلامه مش حقيقي وبتعلم من كل الناس

نهال ناصر | فى سينما وتلفزيون

نيللي كريم وباسم سمرة

الإثنين , 1 أبريل 2024 - 13:04 | اخر تحديث: الإثنين , 1 أبريل 2024 - 13:04

ردت الفنانة نيللي كريم على تصريحات الفنان باسم سمرة في برنامج "رامز جاب من الآخر" بعدما تحدث عن عمل كان سيجمعهما لكنه رفضه لأنها طلبت مشاركة زوجها الفنان هشام عاشور، فضلا عن حديثه أنها تعلمت منه التمثيل.

وقالت نيللي كريم في لقاء مع برنامج "تفاعلكم": "الكلام ده محصلش أنا آخر مرة اشتغلت مع باسم سمرة في مسلسل "ذات" ودا من أكتر من 10 سنين وبعدها عمر ما جات فرصة أو أي عمل يجمعنا، الكلام اللي هو حكاه مش حقيقي".

نيللي كريم وباسم سمرة

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

كما ردت نيللي كريم على قوله هو والفنانة إنتصار أنها تعلمت التمثيل منهما: "أنه بيقول إني اتعلمت منه التمثيل أنا بتعلم كل يوم لو مخرج بشتغل معاه لأول مرة أو ممثل، واتعلمت منه أه طبعا باسم أستاذ كبير، بالنسبة ليا مسلسل "ذات" كان مهم ودور يخض، وإني أتعلم منه دا شيء مش عيب، والأستاذة إنتصار طبعا اتعلم منها هي أستاذة رائعة الحاجات دي عندي مش مشكلة طول ما أنا عايشه وبشتغل في المهنة دي أنا طول الوقت هتعلم ومرديتش على الكلام دا قبل كده لأن أيوة يا نجوم يا كبار أنا بتعلم منكم وشرف ليا إني اشتغلت معاكم".

نرشح لك: إسعاد يونس تكشف عن عمرها الحقيقي

نيللي كريم وباسم سمرة من مسلسل ذات

وعاتبت نيللي كريم الفنانة إنتصار بسبب تصريح لها إنها كانت ترقص باليه ثم دخلت مجال التمثيل قائلة: "أنا بس مش بحب الطريقة، ألوم على إنتصار لما قالت هي كانت بتاعة باليه وجات، بتاع الباليه مش ماشي في الشارع في أكاديمية فنون ومعهد الباليه وأنا كنت دارسة قسم إخراج مسرح، أنا مش جايه من الشارع دارسة موسيقى وباليه وفن مع ناس محترمة وأساتذة كبار".

واختتمت نيللي كريم حديثها بتوجيه تحية إنتصار على دورها في مسلسل "أعلى نسبة مشاهدة".

يذكر أن نيللي كريم تشارك في رمضان 2024 بمسلسل "فراولة" الذي بدأ عرضه في النصف الثاني من الشهر الكريم.

نيللي كريم

مسلسل "فراولة" تأليف محمد سليمان عبد المالك، وإخراج محمد على وإنتاج شركة "sky limit" للمنتج أحمد دسوقى وبطولة نيللى كريم، شيماء سيف، صدقى صخر، أحمد فهيم، علا رشدى، حجاج عبد العظيم، دنيا سامى، تونى ماهر وعدد كبير من ضيوف الشرف.

لا يفوتك: نيقولا معوض يتحدث لـ في الفن عن مسلسل الحشاشين ودور عمر الخيام واستخدام العامية المصرية