سمية الخشاب تهاجم "رامز جاب من الآخر": رفعت عليه قضية .. دي مهزلة لا يمكن السكوت عليها

أحمد حتحوت | فى حياة المشاهير

سمية الخشاب تهاجم رامز جلال

الأربعاء , 27 مارس 2024 - 13:03 | اخر تحديث: الأربعاء , 27 مارس 2024 - 13:03

هاجمت الفنانة سمية الخشاب برنامج "رامز جاب من الآخر" من جديد، مشيرة إلى الإصابات التي عانت منها وعن الإجارءات القانونية التي اتخذتها.

بدأت سمية الخشاب حديثها في برنامج "تفاعلكم" عن المشاهد المحذوفة من حلقتها مع أيتن عامر، وقالت "هما قصوا كتير جدا ليا وأنا بقول رجلي بتوجعني وكتفي وجعني، ولحظة وقعتي كانت وقعة قوية بس هو قص كتير عشان ميبانش إن أنا اتصابت .. وأنا عندي تمزق في الأربطة في رجلي في كتفي ومش بعرف أحرك إيدي بارتياح".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

برنامج رامز جاب من الآخر

وأضافت سمية الخشاب: "اللي يزعل ان ولا حد منهم كجهة انتاجية اتصل بالناس وقال سلامتكم أو أسف. هو احنا في غابة يا جماعة؟ مش مهم الناس يحصلها ايه المهم أطلع أنور وأعمل مشاهدات عالية؟ المهم مصلحتي والباقي يتحرق؟ ايه اللي بيحصل دة دة مهزلة لا يمكن السكوت عليها، الناس تتؤذي في صحتها. ما أنا عملتها معاه 4 سنين قبل كدة بس كنت عارفة إيه اللي بيحص لكن المرة دي متقالش، عشان في تعمد للأذية يبقى انت كدة متعمد تؤذي الناس، دي جريمة يعاقب عليها القانون. قالي إنه برنامج عادي فورمات".

سمية الخشاب وأيتن عامر في رامز جاب من الآخر

وأوضحت سمية أن هناك العديد من الضيوف المصابين في البرنامج، إذ قالت: "متأكدة ان في تعمد في الأذية والدليل إن مفيش حد اهتم إنني اتصابت، ولما رحت للمستشفى قالولي انت مش أول حالة، امبارح جالنا 3 حالات من عند رامز. أقل حد اتصاب حصله كدمات متعددة في جسمه. معقول انتوا عارفين بتكسروا في الناس كل يوم ومكملين تصوير؟ وقال أصل الناس ماضية على إنهم موافقين على جميع الملابسات والظروف الخاصة بالبرنامج. يعني ايه؟ أنا موافقة إنني اتكسر؟ أصلا مفيش عقد بيننا بس لو حتى فيه عقد، جسمنا دة مش ملكنا، دة ملك ربنا، فمش من حقك تؤذي جسمي صحيا ونفسيا وعصبيا، فدة ضد حقوق الانسان وضد القانون".

وشرحت سمية سبب نشرها صورة من البرنامج يوم عرض الحلقة: "الصورة اللي نزلتها كتبت عليها مش هسيب حقي منك يا رامز".

سمية الخشاب

وتابعت سمية الخشاب: "ساعة ما بتقعي مش بتحسي قوي بالوجع. لكن بعدها حسيت بالوجع وكنت بعرج. رجليا الشمال مكنتش عارفة أدوس عليها. مبتلحقيش تاخدي نفسك في البرنامج. كله مفاحآت وانت مش مستوعبة اللي حصلك. بعد ما خلص البرنامج قلتلهم رجلي وارمة وبعرج ومسنودة على صديقتي، رجعت الفندق قلتلهم ودوني المستشفى، قالولي لا اصل مفيش حد. رحت المستشفى تاني يوم الصبح وعندي تقارير طبية مختومة وعندي كدمات متعددة وتمزق في الأربطة وكوارث. لسة متعالجتش. أنا قعدت 10 أيام عشان أقدر أنزل وشلت الجبس عشان أرجع التصوير. وبدوس على رجلي لحد اللحظة دي إن رجلي ما زالت وارمة. ليه ما زالت وارمة؟ عشان متعالجتش. لو هتعالج هحط جبس ومش هعرف أصور المسلسل والمنتج هيروح في داهية. انت متخيلة الموقف اللي أنا فيه.".

سمية الخشاب وأيتن عامر في رامز جاب من الآخر

وأنهت سمية الخشاب حديثها قائلة: "أنا رفعت قضية قضية فعلا ومن تاني يوم وأنا عاملة إجراء وفي طلب للنائب العام إن ينظر للموضوع. أنا متأكدة إن في ناس اتصابت ومش عايزين يقولوا عشان خايفين MBC تزعل منهم بس هي قناة محترمة وهي بتعرض البرنامج ومش الجهة المنتجة له. انا يعني صحتي دي محدش هيزعل عليها؟ كله إلا الأذية".

اقرأ أيضا:

أجرأ 30 تصريحا للنجوم في رمضان: سحر شيرين عبد الوهاب وابتعاد أحمد الفيشاوي عن المخدرات وعودة بسمة بوسيل لتامر حسني ووصف خالد يوسف لحنان ترك وملايين نجوى فؤاد التي انفقتها على يسرا

كمال أبو رية لـ"في الفن": أنا ومي عمر بنتعامل كأب وابنته في كواليس "نعمة الأفوكاتو" ومحمد سامي في منتهى الاحترام والأدب بموقع التصوير

والد ياسمين صبري يرد على تصريحاتها مع عمرو أديب: أحيانا يطلع عيل من عيالك براوي وناكر للجميل

بسمة بوسيل عن دعائها عن فتاة ليلة فرحها: أقل حاجة وتستاهل.. أفعى

لا يفوتك: يسرا اللوزي تكشف تفاصيل تحضيرها لـ صلة رحم : قفلت على نفسي الأوضة 10 أيام .. وهذا رأيي في الإجهاض

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5