لبلبة: قررت أدي حياتي للفن وعاطف الطيب راهن عليا في "ضد الحكومة"

مروة لبيب | فى سينما وتلفزيون

لبلبة

الإثنين , 29 يناير 2024 - 21:01

تحدثت الفنانة لبلبة عن حبها للفن وتضحيتها من أجله، ودورها في فيلم "ضد الحكومة".

وخلال لقائها مع الإعلامية جومانا بو عيد في برنامج "يلا نحكي" قالت لبلبة ": كل الحب فيه تضحية، مفيش حب بدون تضحية أنا قررت أدي حياتي للفن".

لبلبة

وأضافت لبلبة: "أنا من الناس اللي دايماً فرصي بتيجي متأخرة، واشتغلت قبل كده مع مخرجة، بدون ذكر أسماء وشالتلي 14 مشهد".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أما عن تعاونها مع المخرج الراحل عاطف الطيب في فيلم "ضد الحكومة" قالت لبلبة "انطلاقتي كانت من فيلم "ضد الحكومة" مع أحمد زكي، والراحل عاطف الطيب، ومن حسن حظي أن عاطف الطيب بيحب يطلع النجوم اللي معروفين ويغير الأدوار، وشافني في مهرجان كان وأنا معرفوش كويس، فكنا في مناسبة وكان بيبص لي بتركيز، وأقل من شهرين جيت مصر والمنتج سعد شنب كلمني وقالي في دور مرشحك فيه المخرج عاطف الطيب مع أحمد زكي، ولما قرأت الدور خوفت وكنت بقول فيه كلام جرئ جدًا، وأحمد زكي لما عرف إني هعمل دور المحامية قال له على عيني وراسي بس لبلبة هتعمل الدور ده؟ عاطف الطيب قاله هتشوف، وكأنه متأكد وكسب الرهان".

لبلبة

وأضافت لبلبة : "فيلم "ضد الحكومة" كان أول عمل يجمعني بأحمد زكي، وكنا بنصور في المحكمة وفيه أكتر من 100 كومبارس موجودين وشغل صعب، وطلب مني أستاذ عاطف في جملة معينة إن عيني تدمع والدمعة متنزلش، والدمعة تنزل في جملة تانية معينة، وقولت يا رب ساعدني إزاي هعمل كدا يمكن الدمعة تنزل مني غصب عني، وده كان مشهد صعب جدًا، وعملته من أول مرة ووافقوا عليه ولكن أستاذ عاطف مقالش برافو هايلة وسألت أحمد قولت له: هو أنا كنت كويسة؟، قالي أنتي مشوفتيش عملتي إيه؟، أنتي عملتي مشهد عبقري".

اقرأ أيضا:

لبلبة عن عادل إمام: عشت معاه أكتر ما عشت مع أهلي وضحكني في عزا والدتي

نبيل الحلفاوي يطالب بإقالة روي فيتوريا المدير الفني لمنتخب مصر: أظن كده اتعشت وزيادة

الموهبة ليست ورقة يانصيب ... ماذا قال عادل حمودة في "مذكرات صلاح أبو سيف"

رزان جمال تنضم لـ محمد رمضان في فيلم "أسد أسود"

لايفوتك: #شرطة_الموضة: أجمل إطلالات النجمات في Joy Awards ... وأسوأ الإطلالات

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5