طارق الشناوي عن بيومي فؤاد: هو حاسس أن الضحك في هذا التوقيت جريمة ولازم نفرق بين الكوميديا والاسفاف

نادين يوسف | فى حياة المشاهير

طارق الشناوي

السبت , 25 نوفمبر 2023 - 00:11 | اخر تحديث: السبت , 9 ديسمبر 2023 - 13:12

حل الناقد الفني طارق الشناوي ضيفا على الإعلامية أسما إبراهيم في برنامج "حبر سري" وأجاب خلال الحلقة على سؤال حول رأيه في موقف بيومي فؤاد عقب عرض مسرحية "زواج اصطناعي" في موسم الرياض.

قال طارق الشناوي "اللحظة اللي احنا فيها ساعات بتخلي الكلمة اللي ممكن في وقت تبقى عادية تصبح غير عادية فكلامه كان ممكن يعدي لكن في اللحظة اللي احنا عايشينها بنتوقف عنها أنا لو من بيومي همثل العرض واضحك الناس ومش هعتبر الضحك حاجة بنفيها عن نفسي لأن الضحك شيء عظيم واغلب المضحكون بيبقوا اذكياء جدا والا ميعرفش يضحك في نفس الوقت هكتفي باللي عملته فقط لا غير"

طارق الشناوي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع "بس بيومي عنده احساس أن الضحك جريمة في هذا الوقت فهو اخطأ في حق الضحك وحق الكوميديا اللي بيعملها وجزء كبير من أعمالنا الكوميدية هي الضحك للضحك على عكس ما ناس كتير بتقول أن في هدف ويقول أنا عايز هدف طيب ما هو الضحك هدف"

بيومي فؤاد

وأضاف "بس نفرق بين الاسفاف والضحك في ناس بتعتقد أن طالما ضحك يبقى مسف والاسفاف حاجة تانية خالص، وسمير غانم هو ملك الارتجال وكان بيضحك الناس على قطة موجودة في المسرح أو الكهرباء تقطع"

نرشح لك: اعترفلها بحبه بأغنية "عارفة" … زوجة على الحجار تكشف كيف بدأت قصة حبهما

View this post on Instagram

A post shared by Al Kahera Wal Nas | القاهرة والناس (@alkaherawalnas)

كان بيومي قد انتقد موقف الفنان محمد سلام في نهاية عرض مسرحية "زواج اصطناعي" بموسم الرياض قائلا: "من حقك أنك تعتذر عن المسرحية لكن مش من حقك أنك تغلط في فنك، إحنا مبنجيش علشان نضحك حضراتكم إحنا بنقدم فننا المصري إنتوا بتحترمونا وإحنا بنحترمكم جدا شيء عظيم أني أخرج اتصور مع شاب سعودي ومع سيدة سعودية وهي تعلم أني مصري أنا بشرف بلدي".

بيومي فؤاد

وتابع: "أنا فنان مصري وليا الشرف جيت المملكة العربية السعودية وليا الشرف كتر خيركم كتر خيركم كتر خيركم، إحنا بنتعب وبنشقى عشان نقدم فن مش عشان نيجي نضحك لو الموضوع كده يبقى في فنانين من أيام نجيب الريحاني لغاية محمد أنور المفروض ينتحروا إحنا بنقدم فن".