سامح حسين: لو عادل إمام زعل مني دة شرف ليا وبحضر لفيلم ومسلسل من تأليف زوجتي

نادين يوسف | فى حياة المشاهير

سامح حسين

الأربعاء , 22 نوفمبر 2023 - 13:11 | اخر تحديث: الأربعاء , 22 نوفمبر 2023 - 13:11

حل الفنان سامح حسين ضيفا على الإعلامي عبد العزيز أحمد في برنامج "مساء الإمارات" المذاع على قناة الظفرة وتحدث عن بداياته الفنية وعن كواليس مسلسل "راجل وست ستات" ورفضه دورا في مسلسل "فلانتينو".

قال سامح حسين "رمزي في راجل وست ستات هو اللي عرفني على الناس رغم أن كان عندي محاولات قبل كدة بس دة اللي انتشر، التيم كله من ورشة الكتابة والمخرج والثنائي اللي قدمناه أنا واستاذ اشرف كانوا شبة لوريل وهاردي الاتنين كانوا اغبى من بعض وكان بيشرح حاجات غلط"

سامح حسين

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع "احنا اشتغلنا 7 مواسم وكل موسم 34 حلقة وانا في الأول كنت بقوله عادل وانا بشتغل على الورق كتير فاقترحت اني اقوله "دولة حبيبي" كل ما يزعقلي لانها هتبقى الطف"

سامح حسين

وعن العمل مع زوجته قال "أنا راضي عن افلامي في السينما جدا والا مكنتش هقدمها واكتر فيلم بحبه هو "عيش حياتك" لأن دة تأليف مراتي وهي دارسة دراما وبتقرا كتير والفيلم عن تجارب حقيقية روحناها سوا والفيلم صورة مشرفة للبلد لأن أي حد عنده انتماء للبلد بيشتغل بسلاحه وانا سلاحي الفن"

نرشح لك: محمد عطية باكيا: الطفل اللي عنده 10 سنين في غزة ضفره برقبتي

وأضاف "مفكرتش اقدم شخصية رمزي لوحده ولكن لو اتعمل تاني المسلسل هشارك فيه"

وعن مسلسل "راجل وست ستات" قال "الثنائي ضاف للمسلسل وأشرف عبد الباقي كان متسامح جدا لأن في حلقات رمزي كان بيضحك اكتر وكان في حب وتفاهم في فريق العمل"

وعن زوجته قال "مراتي هي حياتي وهي شايلة مسؤوليتنا ومتطلبات البيت وهي ست بيت هايلة وبرة البيت مشرفة وبنعمل مسلسل وفيلم حاليا من تأليفها"

سامح حسين وزوجته

سامح حسين وزوجته

وأجاب على سؤال عبد العزيز أحمد عن رأيه في النجم الراحل سمير غانم وقال "سمير غانم هو رسول الضحك وكان ليا الشرف اني اشتغلت معاه في مسلسل كان ضيف شرف فيه وموافقته أنه يشترك في المسلسل دة شرف لينا ورسالة أن الشخص مهما كبر بيجي يساعد الأجيال الجديدة واتمنى اشتغل مع دنيا سمير غانم هي بتجيد كل الأدوار وموهبة خطيرة"

سامح حسين

وعن عادل إمام قال "عادل إمام مدرسة ونفسي اشتغل معاه وهو قيمة كبيرة وبيثقل المهنة"

وعن اعتذاره عن المشاركة في مسلسل فلانتينو قال "هي مكنتش فرصة لأن الفرصة اني اشتغل مع قيمة كبيرة حتى لو دور صغير واني استفيد بوجودي معاه وكل حاجة ليها ظروفها وانا بحب ابقى مبسوط مش مجبر وهو مزعلش مني وانا مين علشان يزعل مني ولو زعل مني دة شرف ليا"

أجاب سامح حسين عن سؤال متى شعر بصعوبة مهنة التمثيل وقال " لما اتجوزت وقلت هكون اسرة حسيت اني لازم ابقى قدوة ومش عايز بناتي يشوفوا حاجة مؤذية ليا أو ليهم"

يذكر أن سامح حسين شارك في مسلسل "عودة الأب الضال" مع بيومي فؤاد، عبير صبري، خالد منصور، إيمان السيد وغيرهم نخبة من النجوم. المسلسل من تأليف أمين جمال ومن إخراج أحمد عبد العال.

اقرأ أيضا:

هل غنت إليسا "أجمل إحساس" لهذا الفنان؟

أنقذته من الموت … الإعلامية أميمة إبراهيم تروي كواليس أصعب موقف على الهواء: الضيف تعرض لأزمة قلبية

في "صوت وصورة" اعتراف "رضوى" لـ"لطفي عبود" حقيقة أم حلم؟

محمود سعد: فرجوا ولادكم على حلقة "الدحيح" عن فلسطين وطلب خاص من أحمد الغندور

لا يفوتك: الفنان ومدرب التمثيل نصر زينهم يحكي عن ذكرياته مع مدرسة المشاغبين

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5