خاص شيماء سيف لـ "في الفن": لم أقصد فنانين زملائي بحديثي عن العري ... وناس كتير دعمت كلامي ... وهذه رسالتي لمن هاجموني

محمد أحمد | فى حياة المشاهير

شيماء سيف

السبت , 2 سبتمبر 2023 - 19:09

"السنة دي العري فاق الوصف..المايوه بقي يتلبس في كل مكان مش على البحر بس" بهذه الكلمات أثارت الفنانة شيماء سيف الجدل في منشور لها أمس انتقدت فيه ملابس بعض الفتيات.

موقع FilFan.com تواصل مع الفنانة شيماء سيف للحديث حول هذا الأمر ومعرفة أسباب كتابتها لهذا المنشور.

وقالت شيماء سيف: "أنا وضحت وجهة نظري وقلت كل الكلام اللي أنا عاوزة أقوله في البوست بتاعي إمبارح".

وعن حالة الجدل والانتقادات التي تعرضت لها بسبب هذا المنشور صرحت: "هما حرين زي مانا ليا رأي هما كمان ليهم رأيهم أنا لم أرى هجوم في التعليقات على ما كتبته بالعكس هناك تأييد لما أقوله ولو حد هاجمني فأنا أحترم ذلك فلابد أن نحترم رأي بعضنا البعض".

وأضافت: "بالعكس فيه ناس كتير بعتتلي قالتلي أحنا معاكي في اللي بتقوليه ومع وجهة نظرك واتبسطت جدا بالتعليقات دي".

وبسؤالها عن ما كتبته تقصد به فنانين زملائها ومن الوارد أن يغضبوا منها قالت: "لا خالص انا لم أقصد حد معين وقولت اللي أنا عاوزاه جوة البوست وانا قولت كل التوضيح".

شيماء سيف

وكتبت شيماء سيف، أمس، عبر حسابها الرسمي بموقع التواصل الاجتماعى Instgram: "خلاص الصيف بيخلص لكن للأسف آثاره مكملة.. طول عمرنا بنطلع على البحر ونشوف أشكال وألوان مايوهات.. لكن السنة دي العري فاق الوصف..المايوه بقي يتلبس في كل مكان مش على البحر بس.. توب المايوه بقي اللبس الرسمي للبنات وفوقه کاش مايوه بیبین أکثر ما بیستر".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت: "هي البنات دي ما لهاش أب أو زوج أو أخ قلبهم ياكلهم عليهم والدم يجري في عروقهم؟.. فين نخوة الرجالة.. فين حياء البنات.. والمصيبة أن كل الأعمار وكل الأحجام مش بتفرق.. الموضوع زاد أوي تحت مظلة أنه بلاش خجل الجسم وكلام فاضي، فين الحياء؟".

وتابعت: "الجسم المفروض نحافظ عليه مش نمتع غيرنا بيه.. الغلط غلط ولو كل الناس عملوه.. الغلط القطيع بدون وعي.. فين الحياء والعفة والخجل والخصوصية؟.. بالنسبة للي عنده أولاد صغیرین وبيسألوا هي ليه البنت دى لابسة كده يا ماما؟ كل شيء بقى مباح كدة للناس كلها؟ ربنا يستر علينا جميعا ويهدي البنات والأولاد ويشوفوا الغلط غلط".

واختتمت شيماء سيف حديثها قائلة: "غلط ولو أصبح عادة الكل.. هفضل أقول ده غلط حتى لو كنت لوحدي اللي بقوله.. العري مظهر من مظاهر التخلف الفكري واللي فاكر إنه تحضر ماشي وراء.. مهما کتر ربنا أرنا الحق حقًّا وارزقنا اتباعه وأرنا الباطل باطلًا وجنبنا اتباعه".

اقرأ أيضا:

الإعلان التشويقي للموسم الثاني من مسلسل "طائر الرفراف" … زواج "فريد" و"سيران" حلم أم حقيقة

قصة صورة - عندما سافر عبد الحليم حافظ إلى رأس غالب لزيارة سعاد حسني في كواليس "للرجال فقط"

"البيه البواب" - قصة فيلم عادل إمام الذي انسحب منه في اللحظات الأخيرة ... ميرفت أمين كانت مرشحة لدور زوجة البواب وأحمد زكي ألقى بأوراق السيناريو على الأرض

من بينهم خالد محمود وريهام عبد الغفور وأم كلثوم… فنانون يرفعون شعار "ممنوع القبلات" في الافلام

لا يفوتك: ساعة مع الفنان علي الحجار ... حكاوي وفن وغنا

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5