خاص نصائح النقاد -أحمد سعد الدين: مصطفى شعبان عنده مشكلة اسمها نور الشريف وأتمنى من مكي يبعد عن "الكبير" علشان منشوفش اللمبي تاني

مروة لبيب | فى سينما وتلفزيون

الأجهر

الأحد , 21 مايو 2023 - 13:05 | اخر تحديث: الإثنين , 22 مايو 2023 - 11:05

وجه الناقد أحمد سعد الدين نصائح لنجوم رمضان فقالت عن الفنانة ياسمين عبد العزيز "نجحت في "ضرب نار" لكن في نفس الوقت لازم تبعد عن أحمد العوضي وترجع تعمل حاجات الأطفال اللي احنا مفتقدينها وهي مميزة فيها".

نرشح لك: جومانا مراد: أرفض مصطلح السينما النظيفة وهذا موقفي من المشاهد الجريئة والقبلات

وعن الفنان محمد رمضان قال أحمد سعد الدين "سبب نجاح محمد رمضان إن الحلقات مكتوبة قبل التصوير واكتمال السيناريو قبل التصوير بيولد النجاح زي ما حصل السنة دي وممكن يحصل السنة الجاية".

أحمد العوضي

عمرو سعد

وعن الفنانة أمينة خليل قال أحمد سعد الدين "أمينة بتلعب في حتة لوحدها لكن محتاجة تقرب من الوسط الصحفي والجماهيري".

وعن الفنان عمرو سعد قال أحمد سعد الدين " أتمنى يبعد عن الأدوار المكررة اللي ظهر بيها في السنين الأخيرة ويقدم عمل مختلف".

أحمد مكي

وعن الفنان مصطفى شعبان قال أحمد سعد الدين "مصطفى عنده مشكلة من زمان وهي نور الشريف أتمنى منه انه يحب مصطفى شعبان أكتر من كدا".

نيللي كريم

وعن الفنانة نيللي كريم قال أحمد سعد الدين "ارتبطتت عند الناس بأدوار الميلودراما ولما عملت بـ100 وش الناس تفاعلت معاها لكنها رجعت لأدوار الميلودراما وأتمنى منها ترجع للكوميديا تاني".

ياسمين عبد العزيز

وعن الفنان أحمد مكي قال أحمد سعد الدين " أحمد مكي عمل عظمة لما شارك في الاختيار وأتمنى منه أنه يبعد عن مسلسل الكبير عشان منشوفش اللمبي تاني".

مصطفى شعبان

وفي النهاية وجه الناقد أحمد سعد الدين التحية لكل نجوم مصر المشاركين في ماراثون رمضان 2023 قائلا: "مبروك النجاح ولكن في نفس الوقت بقول محدش يغره النجاح ويركز الفترة اللي جاية على السيناريو، والنجاح الجماهيري لو قايم على سيناريو واخراج جيد هيستمر".

تنوع كبير شهدته دراما رمضان لهذا العام بين الدراما الاجتماعية والكوميدية والأكشن وغيرها، مما خلق أجواء من المنافسة الشرسة بين النجوم وتصدر أعمال نسب المشاهدة دون غيرها.