أول تعليق من ويجز بعد اتهام عمرو مصطفى له بشراء موسيقى أغانيه

مروة لبيب | فى موسيقى وحفلات

ويجز وعمرو مصطفى

الأحد , 30 أبريل 2023 - 10:04 | اخر تحديث: الأحد , 30 أبريل 2023 - 11:04

رد مغني الراب ويجز على اتهام الفنان عمرو مصطفى له بشراء موسيقى أغانيه.

وعبر خاصية القصص المصورة بحساب Instagram، نشر ويجز مقطع فيديو قصير ولم يتحدث فيه بل أشار إلى جميع الموزعين الذين تعاون معهم في اغانيه على مدار الفترة الماضية معلقا "أحب أشكر كل الرجالة اللي تعاونوا معايا في أغاني الحقبة".

من ناحية أخرى، رد الموزع الموسيقى لأغاني الراب مولوتوف على اتهام الفنان عمرو مصطفى.

نرشح لك: شيكو يرد على تصريحات أحمد فهمي عن مزايا انفصال الثلاثي: كل واحد بيفكر بدماغ مختلفة- فيديو

منشور ويجز

وكتب مولوتوف عبر خاصية ستوري حسابه عبرى Instagram: "مبدئيا أنا هتكلم عن الأغاني اللي أنا عملتها لويجز وهي، دورك جي، بالسلامه، أسياد البلد، وبما إن أنا الموزع بتاعها أحب أقول للأستاذ عمرو مصطفى إن الأغاني معمول فيها توزيع وهندسة صوت وتلحین وشغل بالمستوى العالمي، وبتاخد وقت ومجهود وتفکیر کبیر جدًا من كل الأطراف المشتركة فيها".

وأضاف مولوتوف: "الموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا فأنا لم أتقاضَ أي أجر على الأعمال دي لإن فيه اتفاقات بصورة تانية".

وتابع: "في النهاية إحنا بنشكرك على استماعك بس يا ريت تتحرى الدقة قبل نشر أي معلومات، وشكرًا".

وكان المطرب عمرو مصطفى تحدث عن ألبومه الأخير "مالوش زي" واصفًا له بأنه مصنوع يدويًا، على عكس أغاني ويجز والجيل الجديد التي يرى أنها تلغي وظيفة الموزع.

وأثناء مداخلته الهاتفية لبرنامج "أجمد 7" مع الإعلامية جيهان عبد الله، قال عمرو مصطفى: "الموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي، والناس اللي طالعة جديدة عندها موسيقى جاهزة ومش محتاجة موزع موسيقي ترغي معاه وتعمل معاه الشغل دة كله وممكن أنزل كل يوم 3 أغاني لأن الموسيقى ممكن تشتريها على النت، ودة بيلغي دور الموزع".

وتابع عمرو: "على فكرة ويجز وكل الشباب اللي طالعة جديدة كلهم بيشتروا موسيقى جاهزة بـ100 دولار والموزع دوره مش موجود".

اقرأ أيضا:

#شرطة_الموضة: أنغام تجري هذا التعديل على إطلالتها في حفل السعودية لتصبح أكثر احتشاما

غادة عبد الرازق في رحلة سفاري رومانسية مع زوجها بالصحراء

أول ظهور بعد عودتهما.. زوج نسرين طافش: سأحبها وأحميها إلى الأبد

إيمان العاصي: اعتزالي كان كذبة كبيرة

لا يفوتك: أسرار يوسف عثمان في الحفاظ على أناقته

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5