كريم فهمي لـ منتقدي "أزمة منتصف العمر": إدي فرصة لعقلك يفكر .. مفيش مشاهد خادشة

أحمد حتحوت | فى حياة المشاهير

كريم فهمي يرد على انتقادات أزمة منتصف العمر: إدي فرصة لعقلك يفكر

الإثنين , 13 فبراير 2023 - 18:02

علق النجم كريم فهمي على الانتقادات الموجهة لمسلسله الأخير "أزمة منتصف العمر" في منشور جديد على حسابه الرسمي على فيسبوك، حيث وصفها باللجان الإلكترونية.

كتب كريم فهمي: "الحقيقه انا سكت كتير ، لجان كتير بتصدر ان المسلسل زنا محارم , للأسف ناس كتير منساقه من غير ما تتفرج او تكمل فرجه ، المسلسل بيناقش قضيه شائكه جدا موجوده في كل المجتمعات بل فيه اكتر بكتير كمان ، و اظن ناقشناها انا و صناع العمل بشكل محترم بدون مشهد خادش واحد و الدليل ان ناجح في كل البلاد العربيه و مصر و بجداره الحمدلله ، المسلسل لا يناقش زنا المحارم و ملوش علاقه بزنا المحارم (حد هيقولي امال المشهد اللي في نهاية الرابعه ده ايه ؟) هقولوا كمل و ماتمشيش ورا اللجان و ادي فرصه لعقلك يفكر ، المسلسل مفيهوش مشاهد خادشه ، البطل و البطله غلطوا غلطه كبيره و من ساعتها ماشافوش يوم حلو ، اتبسطوا و اتفرجوا علي منتج مصري معمول فيه مجهود كبير ، الدراما فيها خير و شر زي الحياه".

كريم فهمي

كان مسلسل "أزمة منتصف العمر" قد تعرض لاتهامات بالترويج لزنا المحارم بسبب وقوع شخصية "عمر" في حب زوجة والد زوجته، ولكنه يعلم فيما بعد أنها ليست أم زوجته البيولوجية.

أزمة منتصف العمر

يذكر أن كريم فهمي قد علق على الأمر من قبل في حواره مع ET بالعربي، قائلًا: " الموضوع شائك إحنا عارفين عشان كدا لازم نتناوله بشكل ذكي ونشد الجمهور من غير ما يخجل.. في ناس بتقول دا صعب أوي والأراء دي مقارنة بآراء الناس اللي عاجبها المسلسل قليل جدا".

يعرض المسلسل على منصة شاهد VIP ويشارك في بطولته كل من ريهام عبد الغفور، رنا رئيس، هند عبد الحليم، عمر سعيد، ركين سعد، رشدي الشامي، ومن إخراج كريم العدل، وتأليف أحمد عادل، ومعالجة درامية لكريم العدل وكريم فهمي.

اقرأ أيضًا: