"انتهكوا طفولتي بقسوة وأحضانهم كانت بتوجع جسدي النحيل" ... تصريحات صادمة من وفاء سالم عن أسباب اعتزالها التمثيل

محمد سلطان محمود | فى حياة المشاهير

وفاء سالم

الثلاثاء , 10 يناير 2023 - 00:01 | اخر تحديث: الثلاثاء , 10 يناير 2023 - 00:01

كشفت الفنانة وفاء سالم عن أسباب اعتزالها التمثيل بشكل مفاجيء.

وتحدثت وفاء سالم في فيديو عبر قناتها على YouTube عن أوجاعها التي بدأت منذ الطفولة، حيث كانت صغيرة تكره عالم الكبار، وتجلس تحت مائدة الطعام، وترفض أن يحتضنها أفراد عائلتها أو يقبلوها.

وقالت: "كانوا بيعتبروني قطتهم السيامي اللي بيلعبوا بها، ويقعدوها على حجرهم، وينقلوها من حجر لحجر لحجر، ولما يحضنوني كانوا بيوجعوا جسمي النحيل".

نرشح لك- جورج وسوف يستمع لآيات من القرآن الكريم في عزاء نجله وديع

وأشارت وفاء سالم إلى أنها كانت تحاول دفعهم بعيدا بسبب شعورها بالآلم وتقززها من رائحة السجائر، وتشعر بالحرج حين يسألونها إن كانت لا تحبهم.

وتابعت في تصريح صادم: "أكتر حاجة لسه فاكراها لغاية دلوقتي وكانت بتوجعني جدا وعملت جرح في قلبي، لما بعض الأغراب والقرايب كانوا بيقعدوني على حجرهم وينتهكوا طفولتي البريئة بقسوة ووقاحة".

وأكملت: "في الأول ماكنتش بفهم وكنت بتكسف أتكلم، كل ده شريط بيمر ويلف في دماغي عمري ما نسيته، ولما كبرت كنت بحس الطفلة اللي في دماغي لسه موجودة وقاعدة جوايا".

وأكدت وفاء سالم أن تعرضها للتحرش والانتهاك الجسدي استمر بعدما كبرت، وقالت: "كان بيحصل معايا حاجات شبه كده لغاية وقت قريب، بيدخلوا لي من مداخل أنتي فتاة أحلامنا، أنتي اللي كلك أنوثة وجمال ومحصلتيش، كل ده كان مدخل عشان يوصلوا لحاجة أنا مش عارفة أنطقها، أكيد فهمتوا".

وأردفت: "لسه لغاية وقت قريب، كان بيتقال لي أنا خالتي كانت ساكنة فوقكم وكنت باجي أبص عليكي من بعيد عشان أنا كنت معجب وخفت أكلمك، وده كمان حاجة أنتوا عارفينها".

واختتمت وفاء سالم الفيديو مؤكدة: "ده كان وجع كبير جوايا، من ضمن الأسباب اللي أنا قلت هحكي لكم لما سألتوني إنتي مشيتي ليه، ولسه في حكاوي هتسمعوها يوم السبت الجاي".

يذكر أن وفاء سالم أعلنت اعتزالها التمثيل نهاية عام 2022، من خلال فيديو مصور كشفت فيه عن قرارها المفاجيء.

وحكت ضمن حديثها للجمهور في فيديو الاعتزال: "وانا صغيرة كان عندي مشكلة مع الكذب ولما بكدب بيكون فيه حجر على قلبي وأما حبيت التمثيل قولت هنقل المشاعر اللي بحسها سواء غضب أو حزن أو ألم لكن عايزة أرتقي بالذوق العام من خلال أعمال فنية هادفة وحظي كان كويس العمل مع عمالقة مثل الراحل أحمد زكي والكاتب بشير الديك والمخرج عاطف سالم".