أول رد من أمير كرارة على محمد نجاتي بعد تلميحه بالاعتزال: شرف ليا نشتغل مع بعض

محمد أحمد | فى حياة المشاهير

أمير كرارة ومحمد نجاتي

الأحد , 3 يوليه 2022 - 18:07

وجه الفنان أمير كرارة رسالة إلى الفنان محمد نجاتي بعد تصريحاته الأخيرة، التي أعرب فيها عن رغبته في الاعتزال، بعدما أعرب عن استيائه من مقارنة أحد الكتاب بينه وبين كرارة.

وأعاد أمير كرارة نشر مقطع الفيديو، الذي نشره محمد نجاتي، عبر حسابه الشخصي بموقع Facebook وكتب: "يا حبيبي إنت نجم كبير وعلى دماغنا كلنا، ربنا يكرمك ويزيدك ويرزقك ويجمعنا مع بعض في عمل واحد وشرف ليا".

نرشح لك: نسرين طافش تكشف هوية زوجها: ليس مدرب يوجا

وكان محمد نجاتي، شارك جمهوره ومتابعيه، مقطع فيديو يكشف فيه عن اضطراره للمشاركة في أعمال فنية لا يرضى عنها، كما أعلن عن استعداده للاعتزال، وذلك عبر صفحته الخاصة بموقع Facebook.

وقال نجاتي في الفيديو: "عاوز أقول إني ماكانش ليا دخل في ترشيحي لمسلسل (محمود المصري) مع أستاذ محمود عبدالعزيز، الترشيح جاء من خلال الدكتور مدحت العدل وهو حي يرزق يُسأل في ده".

وأضاف: "أما بقي بالنسبة للبوست اللي اتقال فيه شوف دلوقتي أمير كرارة فين ومحمد نجاتي فين؟ طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، قدر إنه يوصل لحب الناس وقاعدة كبيرة جدا من الجمهور، لكن دي حاجة مش بإيديا، دي حاجة خارجة عن إرادتي".

وتابع: "أنا راجل ممثل وبشتغل الحاجات اللي بلاقيها كويسة ومناسبة، ممكن تكون مش أعمال بتاخد بروباجاندا كبيرة زي ما فنانين كتير بيشاركوا في أعمال أنا أتمنى أكون في الحاجات المهمة دي، لكن غصب عني أنا مضطر أاشتغل حاجات علشان أكمل بقيت حياتي لأن عندي التزامات، وعندي حاجة تخليني مش مبسوط أوي".

واختتم: "أحيانا بضطر أقبل حاجات مش راضي عنها علشان أقدر أكمل حياتي، وإذا كانت الوضعية دي مضايقة ناس أو بعض الصحفيين على فكرة أنا ممكن أعتزل وأريحكم كلكم مني وتبقى نهاية الحكاية".