بهاء الدين محمد يهاجم فنانين استخدموا لجان إلكترونية ضده.. هل قصد شيرين عبد الوهاب؟

محمد سلطان محمود | فى موسيقى وحفلات

بهاء الدين محمد

الثلاثاء , 14 يونيو 2022 - 18:06

وجه الشاعر بهاء الدين محمد انتقادات، إلى فنانين لم يذكر أسمائهم، بسبب خلافات شخصية بينهم.

وكتب بهاء الدين محمد عبر حسابه على Facebook، منتقدا استخدام البعض للجان الإلكترونية لإهانته.

وأوضح: "الناس اللى بتبقى غلطانة غلط كبير وعشان قولنا لها عيب، تشغل وتستخدم لجان تشتم وتغلط وتلعن بأقذر الألفاظ".

نرشح لك- مفاجأة.. ياسمين الخطيب تعلن تصالحها مع زوجها: الحب كده يا سي رمضان

وتابع بهاء الدين محمد: "الناس دى المفروض مانسلمش عليها طول العمر والواحد يندم على إنه كتبلها ولو سطر واحد، بس أنا ح أرد بنجاح اللى يستاهلوا النجاح" .

وكان بهاء الدين محمد قد وجه انتقادات إلى شيرين عبد الوهاب قبل أيام، بسبب إعلانها ندمها على تقديم أغنية "ماتجرحنيش" التي كتبها.

وقال: "مش متعود أرد على أى حد . ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها" .

وتابع بهاء الدين محمد: "وحأتكلم بإختصار جدا المشهد الأول..أول يوم دخلت شيرين عبدالوهاب مكتبى كانت مع الأستاذ نصر حروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء، المشهد الثاني رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة، أما المشهد الثالث :لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان اسمه مش المفروض يغلط غلطه زي دي، لأن المشهد ده مش لايق على المشهد الأول".