محمد رياض: رفضت تقديم دور "فارس" في "الضوء الشارد" في البداية.. "الاختيار" أعلى مشاهدة في الوطن العربي

FilFan | فى سينما وتلفزيون

محمد رياض في "الاختيار"

السبت , 23 أبريل 2022 - 14:04 | اخر تحديث: السبت , 23 أبريل 2022 - 16:04

كشف النجم محمد رياض عن العديد من الأسرار في حياته المهنية والشخصية، ومن بينها رفضه في البداية لتقديم دور "فارس" في مسلسل "الضوء الشارد".

قال الفنان محمد رياض: "ما كنتش هعمل (الضوء الشارد)، ورفضته كذا مرة بالرغم من أن الدور كان عاجبنى، بس حتة إن (فارس) هيموت فى الحلقة الـ ١ كانت مش مريحاني، بس وافقت فى الآخر عشان الدور كان عاجبنى أوى والحمد لله إنى وافقت وعملته وبقى من أهم الأعمال اللى أنا عملتها فى حياتي، بالرغم من إن مساحة الدور كانت قليلة جدا لكن بقى موجود فى تاريخ الأعمال المميزة اللى أنا عملتها"، جاء ذلك خلال مداخلة هاتفية لبرنامج اللمة تحلى على شعبى اف ام تقديم شيماء السباعي.

وأضاف: مسلسل "لن أعيش فى جلباب أبى" من المسلسلات التي نتمنى يبقى فيه زيها دلوقتى من ناحية الكتابة والكاستينج والإخراج، مسلسل بقاله ٢٥ سنة ولسه عايش مع الناس لحد دلوقتى و الناس بتتفرج عليه".

أما عن مشاركته في مسلسل "الاختيار"، فقال: "انا مشارك في مسلسل (الاختيار) هذا العام، وهو مسلسل كبير جدا ومليء بالنجوم ومن أعلى نسب المشاهدة في الوطن العربي كله ليس فقط في مصر، وأثناء تصويره كان يجلس معنا متخصص لكل حرف، وكل كلمة لها معنى، وكنا حريصين على كل كلمة تقال في العمل موثقة".

وبالنسبة للمسلسلات التي تعرض حاليا، قال: "أعجبت جدا هذا العام بـ(كبير أوي) ومكي كوميديان به مواصفات خاصة، معجب به جدا، وأشاهده هو و(مكتوب عليا) و(جزيرة غمام) و(المداح)، رمضان بالنسبة لي لما بيبقى ما عنديش شغل ببقى حريص فيه جدا على العبادات وأحاول استفيد بكل روحانيات الشهر، و ينقصنا فى مسلسلات دلوقتى الورق الحلو لان الورق دلوقتى بقى قليل عن زمان خصوصا أنه حصل تطوير كبير على مستوى الصورة، وهي الآن أصبحت أحلى من الأعمال بتاعة زمان، وكل حاجة اختلفت للأفضل والإنتاج كمان بقى أقوى بكتير من زمان، ونفسنا يبقى عندنا خمسة ستة زى عبد الرحيم كمال بس الحمد لله مصر طول عمرها ولادة".

واختتم قائلا: "كل ردود الأفعال التي وصلتني على شخصية العميد يسرى فى مسلسل الاختيار كانت ايجابية جدا بالرغم من إن طبيعة المسلسل مش بتهتم بحجم أدوارنا لأنه ده واجب على كل الفنانين لأننا بنوثق فترة مهمة جدا فى تاريخ مصر و أحسن تعليق جالى إحنا مصدقينك ودي أحسن حاجة للممثل، وكل سنة و كل العاملين بشبكة راديو النيل طيبين و دايما متميزين و موجودين بقوة و يارب دايما مصر تفضل متميزة بفنها و تبقى رائدة الفن فى الوطن العربى".