ياسمين صبري : الأطفال زي الحيوانات بتحس بـ"الكويسين"

FilFan | فى حياة المشاهير

ياسمين صبري

الجمعة , 11 فبراير 2022 - 20:02 | اخر تحديث: الجمعة , 11 فبراير 2022 - 20:02

كشفت ياسمين صبري عن الكثير من آرائها في العلاقات العاطفية والإنسانية وذلك خلال "سبيس" عبر موقع تويتر للكاتب الصحفي تامر عبده أمين ، والتي شارك فيها أكثر من 4 آلاف مستمع اشادوا بياسمين صبري.

وفي معرض حديثها تناولت ياسمين صبري فكرة الشعور بالآخرين حيث قالت : الأطفال على فكرة زينا يقدروا يحسوا بالأشخاص الكويسيين وزي الحيوانات بالظبط، ديمًا الشخص الكويس الأطفال تروحله والحيوانات نفس الشيء بتبقى حواليه، وده ليس له علاقة بشكل أو مال ولا ريحة ولا طاقة.

نرشح لك: حسن شاكوش: رضا البحراوي كان نيته "وسخة" من ناحيتي

ويقدم لك FilFan.com ملخصًا لأهم تصريحاتها :

- ثق في عقلك وفي حواسك لما تحس بحاجة لأن عقلك مش اذكى جهاز في جسمك الاذكى هو الشعور والاستشعار حاجة بتحسها اقوى من العقل وملهاش تفسير استفتي قلبك

-احذر اللي بيزرع فيك طاقة ويسيبك تحققها علشان تخدم فكرته بيخليك تركز في السلبيات اللي قالهالك وبعدها أنت تصدقها وتصرفاتك تختلف لخدم فكرته السلبية بيغيرك لانه هزك فأنت لا اراديا بتحقق فكرته السلبية

-أن لم تجعلك العلاقة مع من تحب شخصا أفضل فأنت مع الشخص الخطا

-دايما دور على اللي احسن منك علشان هيخليك احسن ودايما دور على المتطور علشان هيطورك ولما تختار اختار اللي يشدك لفوق
كما قامت بإعطاء بعض النصائح في مجال الطاقة والتنمية البشرية حيث قالت أن الطاقة شبه عدوى البرد ممكن تتنقلك على حسب طاقة الشخص اللي هتتعدي منه

كذلك قالت أن كل مرحلة ليها اصدقاء معينين ليه لازم نتعلم بعد القلم التاسع، كذلك أجابت على سؤال "ازاي ننضف نفسنا من الصدمات؟"

وقالت "لازم تكون مستعد أنك هتغير حياتك تماما في حاجات هتروح مع اللي هيتنضف لازم تتخلى عن حاجات مع تنضيف الصدمات دي"

وأجابت ايضًا على سؤال حول إمكانية الأشخاص من التخلص من آلام الماضي وقالت "اه بس هنتخلص من أشخاص كتير معاه والحلو ف كدا أنك هتفتح ابواب لناس جديدة"

اختتمت حديثها مؤكدة على مدى حبها للكاتب الراحل مصطفى محمود وقامت بترشيح عددا من كتبه وهم "كتاب الاحلام" والذي تحدث فيه عن الأحلام من الجانب النفسي والعلمي، كذلك كتاب " الله والانسان" والذي يدور حول بحث الانسان الدائم عن الخلاص في أي مذهب أو ديانه يعتنقها

لا يفوتك: 10 فنانين اعتدوا على جمهورهم بالضرب ... أحدهم ضرب مذيعا حاول تقبيله في فمه