محمد عبد الرحمن "توتا": كنت بحلم أكون طيار واشتغلت في محطة بنزين

FilFan | فى حياة المشاهير

محمد عبد الرحمن

الأربعاء , 19 يناير 2022 - 16:01 | اخر تحديث: الأربعاء , 19 يناير 2022 - 17:01

تحدث الفنان محمد عبد الرحمن عن الكثير من أسراره الشخصية حول حياته قبل احترافه التمثيل، وذلك في مساحة عبر موقع Twitter أدارها الكاتب تامر عبده أمين.

قال محمد عبد الرحمن "توتا": "اشتغلت حاجات كتيرة أوي عشان أقدر ألاقي أصرف، اشتغلت في سوبر ماركت، وفي محل قطع غيار سيارات، وفي صيدلية، وبنزينة على الدائري، وداتا انتري، وكنا بنعمل حفلات في قصر محمد علي ونفرش الترابيزات ونغسل الكوبايات وننضف الأطباق، وفي آخر اليوم آخد 45 جنيه وجركن عصير".

أضاف عبد الرحمن: أول مرتب قبضته كان من البنزينة، كانت اليومية بتاعتي 20 جنيه، ومفيش حد بيشوف حلمك زيّك، مستحيل، شوف حلمك ووظف حياتك له عشان حتى تحس بطعمه، الطبخة الحلوة بيطبخها شخص مش 200 شخص، اعمل اللي عليك وسيب الباقي على الله، وخليك فاكر أن كل حاجة رزق من ربنا.

وعن وظيفة أحلامه، قال: "أنا كان نفسي زمان أبقى طيار، وبعدها طموحي اتغير وبقيت نفسي أبقى صيدلي ولكن مجبتش مجموع ووقتها حسيت أن الدنيا اسودت في عينيا، ولكن ربنا كان مجهزلي حاجة تانية وربنا اختارلي الخير والأفضل".

يذكر أن آخر أعمال محمد عبد الرحمن كان مسرحية "في نص الليل" في موسم الرياض، وهي مستوحاة من عالم الكاتب الراحل بهجت قمر، وشارك في بطولتها غادة عادل وحسن الرداد وريم مصطفى وسليمان عيد ومصطفى هريدي ومصطفى بسيط ونيللي محمود، ومن تأليف أيمن بهجت قمر، وإخراج عمرو عرفة.

لو فاتك- ليه كل الناس بتحب تتابع "تيك توك" ريا أبي راشد؟ الفيديو ده هيقدم لك الإجابة

اقرأ أيضا:

طبيب وائل الإبراشي يقدم للجنة التحقيق مستندات تتيح استخدام أدوية معينة لعلاج الفيروسات

موعد وقناة عرض مباراة مصر والسودان الليلة.. استمع للتعليق بصوت هذا المعلق

اسمك مش عاجبني!

المؤلف شك في تعاطيه الحشيش..يحيى الفخراني يتذكر أسرار "الكيف"

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC