نيللي كريم: بابا مات وأنا عندي 16 سنة..مكنتش فاهمة مدى المصيبة

FilFan | فى سينما وتلفزيون

نيللي كريم

الإثنين , 3 يناير 2022 - 22:01 | اخر تحديث: الإثنين , 3 يناير 2022 - 22:01

استضافت حلقة اليوم من برنامج "بصراحة مع" المذاع عبر قناة MBC1 الفنانتين مايا دياب، ونيللي كريم، التي تحدثت خلال حوارهما عن تأثير وفاة والدها عليها.

وقالت نيللي كريم: "ساعتها مكنتش فاهمة مدى المصيبة والحدث، كنت صغيرة عندي 16 سنة، وماما وأخويا الكبير خبوا عني طول الوقت. بابا كان عيان فترة، وكل ما أسألهم عنده إيه يقولوا عنده برد وهيبقى كويس."

وأضافت: "ماما عملت كل حاجة ممكنة عشان متأثرش قوي، ومشفتهاش ولا مرة بتعيط غير مرة واحدة لوحدها، طول الوقت كانت ماسكة نفسها، وبقيت كل ما أكبر أحس بفقدانه أكتر، لكن بحس بروحه موجودة معايا."

وتابعت: "يمكن أكتر واحدة بتحس بأبويا هي ماما، وهي عندها الروحانيات عالية جدا. من 7 سنين حصل لها جلطة في المخ، ساعات تقول كلام محصلش، وساعات تقول حاجات تحصل بعد أسبوع. أنا مؤمنة إن في ناس الروحانيات عندها عالية جدا، من كتر النقاء اللي في قلبهم."

‎‎

يذكر أن "العدل جروب" أعلنت قبل أيام عن انطلاق تصوير أول مشاهد مسلسل "فاتن أمل حربي" اسم مؤقت للنجمة نيللي كريم، وهو المسلسل الذي تشارك به في السباق الرمضاني 2022.

المسلسل دراما إنسانية من تأليف الكاتب إبراهيم عيسي وإخراج محمد العدل، ويشارك في بطولته عدد من النجوم منهم شريف سلامة، وفاء عامر، أحمد حاتم، محمد ثروت.

لا يفوتك: أمير المصري لـ في الفن: محمود حميدة موسوعة واتعلمت منه أخد شغلي بجدية.. وبحضر لحاجة كوميدي جديدة

اقرأ أيضا:

لقاء الخميسي عن بسنت خالد: كفانا انتهاك لأعراض الفتيات بالكلمات والأحكام

ياسمين عبد العزيز ومحمد رمضان ومنى الشاذلي الأفضل في استطلاع مركز "بصيرة" لعام 2021

أكرم حسني يبدأ تصوير مسلسل "مكتوب علينا"

هيفاء وهبي تستقبل العام الجديد في باريس (صور)

حمل آبلكيشن FilFan ... و(عيش وسط النجوم)

جوجل بلاي| https://bit.ly/3c7eHNk

آب ستور| https://apple.co/3cc0hvm

هواوي آب جاليري| https://bit.ly/3wSqoRC