رحمة حسن: طلبت فلوسي من المنتج علشان اعالج والدي وبابا مات بعدها

نادين يوسف | فى حياة المشاهير

رحمة حسن

الإثنين , 11 أكتوبر 2021 - 18:10 | اخر تحديث: الإثنين , 11 أكتوبر 2021 - 23:10

أوضحت الفنانة الشابة رحمة حسن، تفاصيل جديدة في أزمتها مع المنتج هاني اسامة منتج مسلسل "سابع جار" عبر حسابها على صفحتها بموقع أنستجرام

نرشح لك: رسالة دنيا سمير غانم إلى والديها: وحشتوني يا أغلى الناس

قالت حسن "اولا : كل الاحترام والتقدير للدكتور اشرف ذكي .. علي استجابته وسؤاله.. واحب اوضح ان الفلوس الي ليا عند هاني اسامه المنتج هي باقي اجري عن مسلسل سابع جار"

وأضافت رحمة قائلة "كان ليا جزء كبير منها .. ولجأت للدكتور اشرف في ٢٠١٩ علشان يساعدني .. وحصل .. واداني جزء بسيط من فلوسي .. وللعلم الوقت ده كان بابا تعبان وفي المستشفي وهاني اسامه كان عارف وقلتله اني محتاجه الفلوس ارجوك .. ورفض بعدها يديني اي فلوس من باقي اجري ومكانش بيرد علي رسايل او مكالمات مني .. للاسف بابا اتوفي بعدها بكام يوم ..ومن ساعتها وانا تعبانه ومش ناسيه هو عمل معايا ايه .. وكان صعب عليه اني اطلب تاني من دكتور اشرف انه يتدخل لان هاني مش بيستجيب اصلا ..وانا كنت تعبت من كتر مابطلب حقي وهاني بيتهرب"

وتابعت قائلة "بس بين كل فتره والتانيه كنت ببعتله رساله او اكلمه وبرضوا مافيش حاجه .. كل ده بمنتهي الذوق والاحترام والرسايل موجوده معايا من ٢٠١٨ كله علي التليفون .. وطبعا الوقت بيعدي وانا معنديش شغل ماعنديش دخل .. تعبت وبعتله تاني من كام يوم وقلتله .. وبرضوا مافيش حاجه .. وكمان العقد بتاعي معايا ومخصوم منه الضرايب الي دائما بدفعها علي اي عمل بشارك فيه من زمان .. العقد بتاعي علي مسلسل ٦٠ حلقه .. هاني صور وذاع ٦٧ حلقه يعني ليا كمان ٧ حلقات مش موجودين في عقدي وماختش عليهم كمان اجر و ماطلبتش بيهم اصلا بس هو عارف ..الفكره انه طلع ان في كذا شخص في الشغل مش انا بس ، عندهم نفس الموقف مع هاني .. ويمكن بفلوس اكتر بكتير وفي نفس الموضوع والنقابات والقضيه وما الي ذلك"

وعن رفضها تدخل أشرف زكي قالت "
اما بخصوص ان الدكتور اشرف طلب مني اني اروحله النقابه عشان نتكلم في الموضوع .. انا قلتله اني مش عايزه اتعبه اكتر من كدا معايا .. خصوصا اني عارفه اني مش نقابيه واني بشتغل بتصاريح ومش عايزه اضيع وقته خصوصا انه ساعدني قبل كدا.. وكمان عشان عارفه ان هاني مش بيستجيب عشان هو منتج فا تبع نقابه تانيه .. وكنت عارفه ان الدكتور اشرف كلمه قبل كدا في موضوع الفلوس ده و برضوا ماحصلش حاجه .. يعني لو كان عايز يدفع كان دفع من زمان .. المسلسل اتذاع وخلص وهاني عمل بعده كذا عمل .. انا قلت للدكتور اشرف اني مش هاقدر اجي لاني تعبانه واني مش هاشيل البوست لحد ماخد فلوسي .. لاني بحاول اجيب حقي الي بقالي ٣ سنين مش عارفه اجيبه"

واختتمت حديثها قائلة "شكرا لكل حد اهتم .. بس انا حبيت اوضح ايه الي بيحصل .. وشكرا لكل الي ساعد والي بيحاول يساعد .. وللعلم انا لسه ماخدتش فلوسي برضوا .. شكرًا واخيرا .. لم ادلي باي تصريح صحفي ولست مسؤله عن اي كلام يكتب عن بالنيابه عني"

لا يفوتك - رامي عاشور عن عمرو دياب: "مثل أعلى ومشواره ملهم لأي بني آدم"

اقرأ ايضًا:

أول تعليق من حمو بيكا بعد إخلاء سبيله في واقعة التعدي على معجب: درس ولازم كل واحد يتعلم من أخطائه

4 تشابهات بين حكاية "بدون ضمان" و"مش مبسوطة" ... وجود بطلتين وفكرة العمل

"تسريحة شعر بـ 15 جنيه" حكاية أغرب حوار صحفى مع عمرو دياب

التحضيرات النهائية قبل انطلاق الدورة الخامسة من مهرجان الجونة السينمائي (صور)