تفكيركم بقي منحدر .. حمو بيكا يرد على انتقادات تصوير زيارته لطفلة مصابة بالسرطان

محمد أحمد | فى حياة المشاهير

حمو بيكا

السبت , 4 سبتمبر 2021 - 23:09

أبدى مؤدي المهرجانات حمو بيكا استيائه، بعد الانتقادات التي لاحقته، بعد تصوير زيارته لطفلة مصابة السرطان.

وقام حمو بيكا بإعادة نشر الفيديو عبر صفحته بموقع التواصل الاجتماعي Facebook، وعلق عليه قائلًا: "بمناسبة البوست المنتشر بخصوص أني زرت الطفله الجميلة في بيتها عشان هي بتحبني، أولًا أنا زرت الطفلة الجميلة دي بناءً على طلبها». تابع حمو بيكا: ثانيًا أنا مطلبتش أن حد يصورني أو أنا بتاجر بالمرض، والتفكير الردئ جدًا اللي بقي في الناس ده، ثالثًا أهلها صوروني عشان فرحتهم بوجودي مش لغرض الشو والمتاجرة بالمرض والكلام الهايف ده".

نرشح لك: الحزن يسيطر على جمهور la casa de papel ... المسلسل انتهى بموت "طوكيو"

وتابع: "ارحموا نفسكم من الهري الكتير.. بتتعبوا نفسكم على الفاضي.. تفكيركم بقي منحدر بطريقة بشعة.. لازم الفتي في كل المواضيع.. أنا مش بتاع شو ولا هكون بتاع شو في حاجة زي دي بالذات.. ارحمو من في الأرض يرحمكم من في السماء".

وكان حمو بيكا قد وجه رسالة تدعو للأمل والتفاؤل لجمهوره، عبر صفحته بموقع التواصل الاجتماعي Facebook، قائلا: "مشوفتش حاجة بتعود عالإنسان بكل جميل قد تمني الخير للآخرين، تلاقي أبواب بتفتح في وشك وانت شايفها مقفوله بالضبة والمفتاح، تلاقي ناس متسخرين ليك مكنتش تتوقع وجودهم، تلاقي تعويض في حاجات كتير في حياتك مكانتش تخطر على بالك، بتعيش بقلب علطول سعيد و راضي، مفهوش شر أو أذى لحد، وبتلاقي دايمًا خير ربنا بيكتبهولك في كل خطوة".

كما حضر خلال الأيام الماضية حفل الفنانة هيفاء وهبي في الساحل الشمالي، وقالت له من على مسرح الحفل: "حمو بيكا حبيبي محدش يزعله يا جماعة أنا بشوف فيديوهاته وساعات بتستفزوه".

لا يفوتك: عامر منيب ... أستاذ الجامعة الذي أصبح مطربا بالصدفة