ملحن أغنية "بحبك" لتامر حسني يهاجم حلا شيحة: الخناقة مع جوزك والبوست مش إعلان توبة

نادين يوسف | فى حياة المشاهير

فيلم "مش أنا"

الخميس , 15 يوليه 2021 - 16:07

هاجم الملحن محمد سراج الفنانة حلا شيحة على حسابه بموقع التواصل الاجتماعي Facebook، وذلك بعد المنشور الخاص بها والذي تتبرأ فيه من مشاهدها في فيلم "مش أنا".

نرشح لك: تامر حسني يرد على حلا شيحة : صورتي بارادتك وتقاضيتي أجر كبير وموعدتكيش بحاجة

قال سراج "استاذة حلا احساسك أية دلوقتي ومحدش مصدقك وطبعًا عارفة محدش مصدقك ليه ؟ كان اكرملك تتبرأي وتتوبي من الفيلم بينك وبين ربنا بس واضح أن الخناقة بينك وبين جوزك كانت كبيرة ودة بيأكد أن البوست مش إعلان توبتك الى الله على قد ما هو بيصالحك على جوزك"

تابع سراج قائلًا "بين قوسين جوزك متجوزكيش وفاكرك مدرسه دراسات واتفاجئ بعد كده ،، انتي غريبه ومتناقضه جداا الفيلم بقاله ٣ اسابيع بنفس المشاهد اللي حضرتك صورتيها بإرادتك بين قوسين اصلا مشاهد مش اوفر ده مش عشانك عشان دي طبيعه تامر ف افلامه وكليباته مفيش مشاهد اوفر ،، بين قوسين برضه اللي واخده اجرك عليها ،، هل اللي صورت المشاهد دي عفريت سيادتك ؟؟ هل اكتشفتي امبارح بس بعد نزول الكليب انه انتي ؟؟ الكليب ماهو الا مشاهد مجمعه من الفيلم ،، مشفناش الحرقه دي والتوبه دي والكلام ف تقاصيل مشاهد مضايقاكي ف افلامك اللي فاتت اللي بتتعرض علي التلفزيون ،،، بتنصحي زمايلك ان الشهره عامياهم ،، علي اساس ان توبتك كل اتنين وخميس اللي بتنشريها علي السوشيال ميديا دي ايه ؟؟ مش شهره ؟؟؟ حضرتك زيك زي اللي بيتاجرو بالدين"

اختتم الملحن محمد سراج كلامه قائلًا "يحضرني مشهد اللي هو بيبقي ف الافلام ده ومكتوب وبعد مرور ٣ شهور …….. ؟؟؟؟ بتكون البطله اتطلقت ورجعت تاني وتمثيل تاني وتلبس تاني وتتصور تاني وتقول ظروف"

يشار أن حلا شيحة نشرت صورة لفيلم "مش أنا" على حسابها بموقع أنستجرام وعلقت على الصورة معلنة ندمها على تصوير مشاهد تجمعها بالفنان تامر حسني في أحد الكليبات داخل الفيلم وقالت أنها طلبت من تامر حسني حذف تلك المشاهد وهو الأمر الذي نفاه حسني في أول تعليق له.

اقرأ ايضًا:

والد حلا شيحة يرد على تصريحاتها: كلامك غلط ومرفوض وتامر حسني ملوش ذنب

منة فضالي تهاجم حلا شيحة : مينفعش قبل الجواز كلام وبعد حاجة تانية

محمد العدل يهاجم حلا شيحة: رجعي الفلوس اللي أخدتيها

ماندو العدل يهاجم حلا شيحة: لما تطلقي مترجعيش تمثلي تاني