عمرو أديب يهاجم محمد رمضان: دي فلوس الراجل اللي مات يا مفتري

نهال ناصر | فى حياة المشاهير

عمرو أديب

السبت , 5 يونيو 2021 - 00:06 | اخر تحديث: السبت , 5 يونيو 2021 - 00:06

هاجم الإعلامي عمرو أديب الفنان محمد رمضان بعد ظهوره في فيديو وحديثه عن تحفظ الدولة على أمواله.

وقال عمرو أديب في برنامجه "الحكاية" ويعرض عبر قناة mbc مصر، موضحا أن سبب التحفظ على أموال رمضان هو قضيته مع الطيار أشرف أبو اليسر، قائلا: "الفلوس دي يا محمد فلوس الراجل اللي مات، دي فلوس التعويض بتاعة الرجل اللي مات، يا راجل يا مفتري الراجل مات مش كنت تروح تلم القرشين وتديها لأهله، لازم تستنى لما يجيوا يحجزوا على الفلوس علشان القاضي هو اللي يديهم الفلوس، يا راجل حرام عليك اتقي الله، أبسط حاجة كنت تعملها مش 6 مليون أدي 10 أهي وأنا أسف والأعمار بيدي الله".

نرشح لك: عمرو أديب مهاجما محمد رمضان: بيكذب علينا ويقول البلد حطت إيدها على فلوسي

وتابع: "يطلع محمد رمضان مصمم يكذب علينا تاني ويقول للعالم أن في مصر الحكومة بتحط إيدها على فلوس الناس، مصر مزنوقة في قرشين وأخدت فلوس رمضان، وقالك أنا بشيل الفلوس في البيت هو دا اللي بتعلمه للناس أنهم ميتعاملوش مع البنوك اللي في مصر وأنهم ميتعاملوش مع البنوك الوطنية، بتقولهم خلي بالك الدولة ممكن تحط إيديها على فلوسك وحطها تحت البلاطة".

يشار إلى أن محمد رمضان أعلن أنه تلقى مكالمة هاتفية من أحد موظفي البنك ليخبره بأن الدولة تحفظت على أمواله وهو الأمر الذي عقب عليه البنك بأنه بسبب الحكم القضائي الخاص بتعويض الطيار الراحل أشرف أبو اليسر، شاهد الفيديو.

اقرأ أيضا:

أحمد حلمي ومنى زكي يساندان ابنتهما لي لي في مشروعها الجديد ... فخورين بك

تامر حسني مريض نفسي في الإعلان الأول لفيلم "مش أنا"

من 22 ألف إلى 2 مليون دولار... رحلة أجور أبطال Friends من الموسم الأول لحلقة لم الشمل

محمد رمضان يرد على سخرية الفنانين من أزمة "البنك": شكرًا يا شدة