أسما شريف منير للمطلقات: سامحي حتي لو مش انتي اللي غلطانه

مي جودة | فى حياة المشاهير

أسما شريف منير

السبت , 10 أبريل 2021 - 00:04

مازلت مقدمة البرامج أسما شريف منير تواصل تقديم نصائحها لمتابعيها، خاصة المطلقات، بعد إعلانها انفصالها عن زوجها الممثل محمود حجازي.

كتبت أسما عبر حسابها بموقع Facebook: "دايماً لما اتنين بيسيبوا بعض كل واحد فيهم بيبقي عايز التاني يحس انه تعبان من غيره، او فحال اوحش، عشان يعرف يعدي و يقوم، هكدب عليكم لو قلتلكم محستش كده!! بس بما اني مركزه مع تجربتي المره دي عشان فعلاً عايزه اتعلم و اقوي بجد ، قعدت احلل الاحساس ده بكل تفاصيله لحد ما وصلت ان لو فعلاً الواحد في يوم حب ازاي ممكن يتمني لحد حاجة زي دي، ايه الأنانية دي؟ حتي لو اتأذيت ليه اوصل اني اتمني ان الشخص التاني يتعب عشان يحس بقيمتي!!
ده احساس مؤذي و ده مش طبعي، فا هذبت نفسي و لومتها و قلت لنفسي ان لو ده اختبار من ربنا يبقي لازم الواحد يكون قده! مش كلام و خلاص.
و تكون النهايات اخلاق مش ادعاء ، لكل ست في نفس الموقف لو حسيتي بكده اقفي مع نفسك! وقفي نفسك، و غيري التفكير ده من جذوره و دعي الخلق للخالق.
ركزي في ازاي تقومي بطريقة صحية و اتمني لغيرك اللي تتمنيه لنفسك عشان ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} ‏
سامحي حتي لو مش انتي اللي غلطانه، ان الله غفور رحيم.
(لا تنسوا الفضل بينكم)"

وكانت أسما شريف منير أعلنت انفصالها رسميا عن زوجها الممثل محمود حجازي.

كتبت أسما عبر حسابها على Instagram بعدما حذفت متابعته والصور التي جمعتها بحجازي: ""ياريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة ربنا يكرمنا إحنا الاثنين بس كده مفيش أي تفاصيل تانية إحنا كان في بنا عشرة وعيش وملح وأكيد مش هنتكلم في تفاصيل بيتنا".(التفاصيل).

اقرأ أيضا

ربيع هنيدي: أجلت مباركتي لأصالة على ارتباطها حتى تعلن الأمر بنفسها

رغم انتقادات رميه للأموال في حمام السباحة.. محمد رمضان يعطي دولارات لنمر! .. فيديو

ليس خيال علمي وهذه علاقته بمسلسل "النهاية".. كل ما تود معرفته عن مسلسل "كوفيد 25"

أول فيديو من خطوبة ابنة أصالة... لحظات رومانسية على أغاني عمرو دياب