عمرو سلامة عن تأخر دفع الأجور للعاملين: مافيش شرير نعرف تشاور عليه في القصة ديه

مي جودة | فى حياة المشاهير

عمرو سلامة

السبت , 27 مارس 2021 - 20:03 | اخر تحديث: السبت , 27 مارس 2021 - 20:03

وجه الفنان عمرو سلامة رسالة للوسط الفني والعاملين بسبب مأساة تأخير دفع الأجور.

كتب سلامة عبر حسابه الموثق بموقع Facebook: "صناعة السينما والتليفزيون كلها ازاي ماوقفتش وقفة موحدة علشان يوقفوا مهزلة بقالها عقود؟
مهزلة تأخير الفلوس أو الأجور أو الأرباح أو أحيانًا إنعدام تسليمها!
إزاي يكون في نظام حقيقي علشان العامل ياخذ فلوسه في وقتها، والفنان ياخذ فلوسه في وقتها، والمنتج ياخذ فلوسه برضه في وقتها، والقنوات تاخد فلوسها من المعلن في وقتها، والموزع ياخذ فلوسه من السينمات في وقتها، وهكذا!
كل واحد في الشغلانة ديه أجره بيتعطل عند اللي قبليه، والدائرة مفرغة، كل ما تيجي تلوم طرف تلاقيه هو نفسه متعطله فلوس أو ليه فلوس ما قبضهاش.
وطبعا اللي على قمة الهرم ممكن يستحملوا لكن اللي تحت هم اللي بيجوعوا وساعات الواحد منهم ممكن مايعرفش يتعالج أو يدفع الإيجار أو يأكل عياله.
حاسس إن الناس الكبار اللي على قمة الهرم هم اللي قادرين أكثر نسبيا ياخدوا موقف، ويوقفوا تأثير الدومينا ده، والأصغر من حقهم يطالبوا بأجورهم حاضرة بدون وعود بتسويفها.
طبعا في ناس كثير في الشغلانة ممكن يكونوا بياخدوا أجور مبالغ فيها، وده الإنطباع اللي عند الناس والجمهور إن الفنانين والسينمائيين دول عايمين في بحور من الفلوس، لكن الحقيقة إن دول ال ١٪؜ - زي أي مجال المميزين فيه بياخدوا أجور كبيرة جدا- لكن غالبية الناس أجورهم منطقية أو هزيلة، والأسوأ إن ساعات بيستنوا عليها شهور وساعات سنين وساعات مايخدوهاش خالص.
مافيش شرير نعرف تشاور عليه في القصة ديه، هو بس نظام محتاج يتحط وكل الناس لازم تبحث يتحط إزاي وده المفروض الدور الأول لكل النقابات الفنية ثم ثانيا وأخيرا كل الناس اللي على قمة الهرم".

وكان آخر المتضررين من تأخر دفع أجره هو الفنان خالد الصاوي الذي اشتكى محمد دياسطي منتج أحدث أفلامه للإيجار. (التفاصيل)

اقرأ أيضا:

إيناس عز الدين تطلب الدعاء لابنها... يخضع لعميلة جراحية في المخ

مصطفى درويش: لم أقصد سوء لهند صبري وأحترمها بشكل كبير

محمد منير لهند صبري: أرفض هذه اللهجة التي تعامل بها بعض الجهلاء

بعد حادث قطاري سوهاج.. خالد الصاوي يعتذر لجمهوره