الملخص- واما في "سهرانين".. أحمد فهمي: محمد نور صوته زي البنات ومحمد نور: عمرو مصطفى كان معانا في الفرقة وسابنا عشان عمرو دياب

مروة لبيب | فى سينما وتلفزيون

فريق واما

الأحد , 14 مارس 2021 - 12:03 | اخر تحديث: الأحد , 14 مارس 2021 - 13:03

حل أعضاء فريق "واما" أحمد فهمي، ومحمد نور، ونادر حمدي، وأحمد الشامي، ضيوفا على برنامج "سهرانين" الذي يقدمه الفنان أمير كرارة على قناة ON.

وكشف أعضاء فريق واما عن أسرار الفرقة وقصة صعودها والصعوبات التي واجهتهم:

نرشح لك: أحدث ظهور لياسمين صبري بصحبة زوجها أحمد أبو هشيمة في حفل زفاف.. فيديو

محمد نور

-الملحن عمرو مصطفى كان ضمن أعضاء فريق "واما" لما اتكون عام 1998، وانسحب من الفريق بعدما قدّم أغنية "خليك فاكرني" مع النجم عمرو دياب سنة 1999.

-"فى بداية مشوارى الفنى كان معانا الملحن مدحت خميس، وقرر أنه يشكل فرقة غنائية، وبالفعل كون فرقة وحدد موعد أول بروفة فى شقته بالهرم، وكانت الساعة 8 الصبح وقالنا هنشتغل مع مطربة اسمها سهام وطلب مننا نقول اسمها بعد سماع الإيقاع وبالفعل بدأنا فى ذلك وإذ بنا نتفاجئ بوالدته تخرج علينا منزعجة مما حدث وطردتنا بالكامل خارج المنزل.

أحمد فهمي

عمرو مصطفى كان عنده تطلعات تانية إحنا كان سكتنا الغنا وطبعا هو ملحن جامد جدا ولما عمل أغنية (خليك فاكرني) تفاخر علينا، وبعدها ركز في التلحين وإحنا في الغنا.

-أحمد شامي كان الأجنبي اللي في الفرقة، كنا بنروح معهد الكونسيرفتوار في أتوبيس لكن أحمد شامي كان بيجي بعربية والده لأنه كان عميد المعهد أومال دخلناه الفرقة ليه.

-ضمينا شامي للفريق عشان شعره ناعم وطويل وحيضيف للفرقة الحتة الأجنبي ونادر الوحيد كان معترض مع إن شامي صاحبه.

-دخلت ولادي مدرسة ألمانية بسبب المواقف اللي حصلت مع أحمد الشامي، لما كنا بنسافر ألمانيا مع الأوركسترا كان شامي الوحيد اللي بيعرف يتصرف عشان بيتكلم ألماني.

- تقسيم الأغاني كان بيعتمد على طبيعة اللحن يعني محمد نور كان يغني الطبقات العالية وأضاف مازحا: "علشان صوته عامل زي البنات شوية وأنا بأقول اللحن الأساسي، ونادر حمدي يغني الصوت الّي تحتي علطول، وشامي يغني (البيز).

-أول أجر حصل عليه فريق "واما" كان 12 جنيهًا، وكان الفريق بيعاني في بداية تأسيسه قبل الشهرة، كنا بنرجع البيت على رجلينا بعد انتهاء الحفلات عشان نحافظ على الأجر.

- كنا أصدقاء منذ دراستنا بالكونسرفتوار، وكنت فى البداية أقوم أنا بتلحين بعض الأغانى وهم يقومون بغنائها، فأنا كنت أحلم أن أكون ملحنا، ولم يكن يشغلنى الغناء فى البداية، وأتذكر فى البداية كنا نجلس فى أحد المقاهى عند ميدان الأوبرا الساعة 12 ظهرا، وننتظر أى اوردر عمل.

نادر حمدي

-مثلت وأنا صغير كان عندي سنتين مع والدتي الفنانة عفاف حمدي والفنان عبد المنعم إبراهيم في مسلسل "أولاد آدم"، وشاركت في اعمال تانية مع عبد المنعم مدبولي، ومحمود المليجي، وفي "سر الأرض" مع المخرج أحمد بدر الدين، لكن حبي للموسيقى والبيانو جذبني بعيدا عن التمثيل.

أحمد شامي

-لما رجعت من ألمانيا شعري كان طويل والناس الّي كانت ساكنة جنبي كانوا فاكريني بنت وبعدين افتكروني مجنون حاولت أتعرف على الولاد في الشارع من البلكونة تلات أيام، حاموت وأنزل ألعب، ومبعرفش أتكلم عربي، وفي اليوم الرابع أول ما نزلت طلعوا يجروا، افتكروني مجنون.