إيمان سلامة: تشبيهي بسعاد حسني؟ لن أقدم شخصيتها أبدا

مروة لبيب | فى حياة المشاهير

إيمان سلامة

الإثنين , 25 يناير 2021 - 19:01 | اخر تحديث: الإثنين , 25 يناير 2021 - 22:01

أكدت الفنانة إيمان سلامة التي يشبهها البعض بالفنانة الراحلة سعاد حسني أن استغلالها لهذا الأمر أمر طبيعي لافتة إلى أنها لن تجسد قصة حياة السندريلا في أي عمل درامي فهي حالة لن تتكرر وتقليد شخصيتها مسؤولية كبيرة على أي ممثل.

وعبر حسابها على Facebook، قالت إيمان سلامة "أنا ممثلة وطبيعي أي ممثلة أو ممثل لما يكون عنده حاجه بتميزه بيشتغل عليها وبيعرضها للناس من باب إنها امكانيات تمثيلية وإنه يقدر يتلون ويعمل أكتر من حاجة وده اللى أنا عملته بصور الشبه بسعاد حسنى وأى ممثلة مكاني مع تشجيع الناس هتعمل زى ما أنا عملت وطبيعى، زى ما كمان أثبت بشغلى وكنت قاصده أكون بعيده تمامًا عن الشبه ده لما عملت دور ليلى فى الأب الروحى أو شهد فى البيت الكبير أو روز فى سلسال الدم وغيرهم أعتقد إنى مكنتش بعتمد على شكلى او شبه نهائي".

وأضافت "أنا مش هعمل دور سعاد حسنى فى أي عمل أبدًا.. والتشبيه بسعاد حسنى هو بالنسبالى كان بمثابه إثبات امكانيات ممثلة واجتهاد منى والاجتهاد والتنوع شيء مشروع وحبى ليها حقى زى ما هو حق لكل اللى بيحبوها من فنانين وجمهور.. سعاد حسنى حالة لن تتكرر ومفيش ممثلة مصرية مبتتعلمش من أدائها و موهبتها الكبيرة.. وأى اسم يتذكر جنبها شرف ومسؤولية لأي ممثل.. أتمنى أكون رديت بشكل واضح للكل.. و شكرًا".

اقرأ أيضًا

بعد نشر صورة مع ابنته... طليقة خالد عليش تهاجمه: بيستغلها زي ما كان بيستغل أمها

كواليس مشهد في "الباشا تلميذ" أعاده كريم عبد العزيز 26 مرة بسبب "إفيه" حسن حسني

في العناية المركزة... محمد الصغير يتزوج أم أولاده بعد انفصال 22 عاما