زوجة تامر عاشور: مرينا بمشاكل زي أي ناس طبيعية ومطلقناش!

ولاء مطاوع | فى حياة المشاهير

تامر عاشور وزوجته

الخميس , 19 نوفمبر 2020 - 00:11 | اخر تحديث: الخميس , 19 نوفمبر 2020 - 00:11

أكدت سمر أبو شقة زوجة الفنان تامر عاشور على احترامها لزوجها وبقائها على العشرة التي جمعت بينهما.
خطيبة تامر عاشور السابقة: رفض يسيبني وقال لي إنه مطلق!

وعبر حسابها على Instagram نشرت أبو شقة صورة تعبيرية لزوج وزوجة وطفلهما، وكتبت معلقة: "انا وتامر هنفضل نحترم بعض لأن، في بينا عشرة وفي بينا بنتنا أيام، اللي هتفضل رابط بينا طول العمر، واللي اهم ليا انها ان شاءالله تكبر متلاقيش اي حاجة تضايقها و تلاقي كل هدوء، الموضوع لا ترند ولا شو ولا اي حاجة غير حقيقة و حاجة بتحصل كل يوم بس بيحصل اللي حاصل لما يبقي حد مشهور، احنا اه منفصلين (مش مطلقين) (ولا اطلقنا)"

تابعت: "ومرينا بمشاكل زي اي ناس طبيعية، اتفقنا او اختلفنا بتحصل يعني و بغض النظر عن مين غلط ف حق مين و ازاي ..
ولكن مهما حصل مفيش حد هيقبل أن يحصل تجريح للتاني ف اللي جاي، انا رديت على اسئله الاستورى بعفوية و بطريقتي اللي عمرها ما هتتغير وعاااااادي جدا بس للاسف في مواقع حطت عناوين غلط علشان تشد و تزود التفاعل عندهاوخلاص، وعلي فكرة كلامي كان واضح و بسيط و موجود لحد دلوقتي مشلتوش علي بروفايلي هنا، و مقولتش اي حاجة غير الحقيقة اللي حصلت ببساطة و كان ظاهر منها ٨٠ % او اكتر من غير اي شرح، ومنعا للمهاترات هي مش حرب مع ابو بنتي ولا عمرها هتكون".

أضافت زوجة تامر عاشور: "و المفروض اننا نتفق بكل هدوء على الطلاق انه يتم خلال الفترة الجاية، واللي اكيد بعد مايحصل مش هينقص من احترامي ليه او احترامه ليا وهنفضل اصدقاء تجمعنا " أيام" اللي هتفضل اهم من اي حد و اي حدث، بس نبقي بنتجنب الضغوطات والمشاكل اللي ايا كان سببها موجود او انتهي بلا رجعة، اتمني الموضوع يتقفل و مشوفش اي حاجة تضايقني، واللي بيحبوني دعوة حلوة و شكرا لكل الحب و الدعم اللي بشوفه".

وكانت سمر أبو شقة قد كشفت عن طلبها للطلاق من زوجها من خلال عدة أسئلة طرحها عليها متابعيها، عبر حسابها بتطبيق Instagram. للتفاصيل

وردت أبو شقة على هذه الأسئلة بإجابات متشابهة وهي إصرارها على الطلاق، لأن الحياة الزوجية عشرة وتفاهم وليست صورًا تُنشر عبر السوشيال ميديا، مشيرة إلى أنها شعرت بالخيانة بعد إعلان تامر عاشور خطبته على دارين حلمي وهي لا تزال على ذمته.

كما أكدت أن الحب من الممكن أن ينهيه موقف واحد بين الطرفين وأنها تحاول الطلاق منذ أكثر من عام ولكنها لم تستطع الحصول عليه.
اقرأ أيضا:

تخيلي- ماذا لو قدم أحمد زكي مسلسل "البرنس" قبل 30 عاما؟

طارق الشناوي: افتقد أحمد زكي وخلافي معه بسبب "ناصر" كان وديا