توقعت أمي ماتت... أحمد يونس يحكي كواليس تلقيه خبر مصرع ابن شقيقته على الهواء!

ولاء مطاوع |

أحمد يونس

الأحد , 18 أكتوبر 2020 - 20:10 | اخر تحديث: الأحد , 18 أكتوبر 2020 - 20:10

يمر الإعلامي أحمد يونس بحالة نفسية سيئة، بعد وفاة ابن شقيقته عن عمر 13 عامًا، إثر حادث أتوبيس مدرسي.

وفاة نجل شقيقة أحمد يونس في حادث سير

ونشر يونس صورة الطفل الفقيد، عبر صفحته على facebook وحكى قصى تلقيه الفاجعة على الهواء أثناء تقديم برنامجه الصباحي، وقال: "يوم وفاة ابن أختي ١٢ أكتوبر الحزين الصبح كنت في برنامجي الصباحي على الراديو ودايما بيكون عندي تقرير مروري فإذا بي أتبلغ بحادث مروري في التجمع الخامس بين أتوبيس مدرسة وأتوبيس رحلات وتسبب في وفاة طفل ١٣ سنة والباقي إصابات، قلبي وجعني على أم وأبو الطفل وقولت بالحرف يا قهرتهم على ضناهم".

تابع أحمد يونس: "وطلعت من الاستوديو أتاكد من كل زمايلي أن ولادهم وصلوا مدارسهم بسلامة الله فاتطمنت الحمد لله ورجعت الاستوديو أكمل شغلي كانت الساعه ٨:١٠ الصبح فإذا بي أتلقى مكالمة تليفونية من أخويا الكبير بيقولي مصيبة يا أحمد مصيبة كل توقعي إنه هيقولي أمك ماتت
لكن لقيته بيقولي مصطفى ابن أختك سماح مات في حادثة أتوبيس مدرسة، الجملة نزلت علي صعقتتي في كل جسمي قفلت السكة في وشة وفضلت أقوم وأقعد زي المجنون وأنا مش مدرك اللي سمعته وعمال أقول لا ده أكيد كابوس وهصحى منه أروح الشغل عادي سيبت اليرنامج ونزلت أجري وأنا مش عارف اعمل ايه ولا اتصرف ازاي لحد ما روحت ولاقيت الكل موجود عند تلاجه الموتى".

استطرد: "ولاقيت اختي سماح في ثبات وتماسك ومفيش على لسانها غير راضيه يارب انا لله وانا اليه راجعون الحمد لله اللهم اجرني في مصيبتي وبقت تسكتني وحواليها صحبه من صديقاتها اللي بدعي لهم ربنا يكرمهم زي ما اكرموها وسندوها لحد يومنا هذا .. ونعم الصحبه بجد
ولاقيت حازم والد حبيبي مصطفى في صمت وذهول عمري ما هنساه وهنا كل اللي مر عباره عن شريط اسود مفيهوش نقطه بيضا لحد ما ربنا كرمني اني غسلته بنفسي واتطمنت عليه وخدته في حضني احن حضن في حياتي كلها انا عمري ما كنت متخيل اني اغطي حادث وفاة طفل واكتشف انه ابن اختي "ابني وصاحبي وحبيبي"".

أضاف: "عمري ما كنت متخيل ان الحوادث اللي بنسمع عنها وارد نمر بيها حق ابننا مصطفى لن يضيع واذا ابوه وامه سكتوا عنه بسبب الفاجعه اللي هم فيه انا مش هسكت عنه، عارف انه ابننا مش هيرجع بس ع الاقل حبيبي يكون سبب في وجود شوية ضمير عند معدومي الضمير احضنوا اطفالكم ومتزعلوهمش واسمعوهم وادعوا دايما ان ربنا ينجيهم من شر الحوادث والفواجع وادعوا لام مصطفى وابوه ولنا ولكل ام فقدت طفلها بالصبر مع السلامه يا حبيبي، رجاء : انضموا لصفحة الملاك مصطفى من هنــا

ويقدم أحمد يونس برنامج "صباحك ومطرحك" عبر إذاعة على الراديو 9090.

اقرأ أيضا

ساعة تامر حسني بـ 1.5 مليون يورو

ندى بسيوني تنفي ارتباطها بـ أيمن يونس : فانز تويتر بيغيروا عليا