عمرو وهبة يدافع عن أبطال "رجالة البيت": حقهم ياخدوا فرصة تانية

إيمان مندور | فى حياة المشاهير

عمرو وهبة

السبت , 16 مايو 2020 - 14:05 | اخر تحديث: السبت , 16 مايو 2020 - 14:05

جدل كبير أثير خلال الأيام الماضية حول تبرؤ صنّاع مسلسل "رجالة البيت" من العمل، نظرا للانتقادات الشديدة التي تعرضوا لها مؤخرا.

اقرأ أيضا: خاص لـ"في الفن"- أيمن وتار: لم أتبرأ من مسلسل "رجالة البيت"

دافع الفنان عمرو وهبة عن صنّاع العمل، كاتبا عبر حسابه على Instagram: "من حق الناس تعترض وتتريق وتسف وأنا بدأت أصلا بفيديوهات تريقه على أعمال وممثلين.. ووالله مش ببرر لحد والحمد لله مش محتاج من حد فيهم حاجة ومحدش طلب منى ادافع وظروف التصوير وضيق الوقت وكورنا مش مبررر كافى إن عمل يطلع وحش بدليل إن فى أعمال تانية طلعت كويسة".

تابع: "بس الأكيد إن مفيش حد بيبقى عايز يفشل ومفيش حد مش بيتعب.. أحمد فهمي عنده أعمال كتير ناجحه وأكرم حسني عنده أعمال كتير ناجحه وأيمن وتار عنده أعمال كتير ناجحة وأستاذ أحمد الجندي أهم مخرج كوميدى فى مصر فى آخر كام سنة... فا لو عمل متوفقش ده لا ينفى الموهبه بدليل إن بيومى فؤاد اتهاجم فى المسلسل ده والناس أشادت بيه فى مسلسل خيانه عهد".

أضاف: "لو فى عمل معجبش معظم الناس وأنا طبعا منهم بصراحة ده وارد وبيحصل وحصل لناس ورجعوا تانى ولو محصلش لناس فا اكيد هيحصلهم فى يوم.. عدم التوفيق جزء من الشغلانه وخصوصاً فى حته الكوميدى اللى هى أصعب حته خصوصاً مع شعب دمه خفيف ومش بيضحك بسهوله وسوشيال ميديا مخليه سقف الضحك يعلى كل يوم.. حق الناس تزعل وحق اللى متوفقش إنه ياخد فرصة تانى طالما ده مش العادى بتاعه".

View this post on Instagram

من حق الناس تعترض وتتريق وتسف وانا بدأت اصلاً بفيديوهات تريقه على اعمال وممثلين ..ووالله مش ببرر لحد والحمد لله مش محتاج من حد فيهم حاجه ومحدش طلب منى ادافع وظروف التصوير وضيق الوقت وكورنا مش مبررر كافى ان عمل يطلع وحش بدليل ان فى اعمال تانيه طلعت كويسه ...بس الاكيد ان مفيش حد بيبقى عايز يفشل ومفيش حد مش بيتعب ..احمد فهمى عنده اعمال كتير ناجحه واكرم حسنى عنده اعمال كتير ناجحه وايمن وتار عنده اعمال كتير ناجحه واستاذ احمد الجندى اهم مخرج كوميدى فى مصر فى اخر كام سنه ... فا لو عمل متوفقش ده لا ينفى الموهبه بدليل ان بيومى فؤاد اتهاجم فى المسلسل ده والناس اشادت بيه فى مسلسل خيانه عهد.. لو فى عمل معجبش معظم الناس وانا طبعاً منهم بصراحه ده وارد وبيحصل وحصل لناس ورجعو تانى ولو محصلش لناس فا اكيد هيحصلهم فى يوم ..عدم التوفيق جزء من الشغلانه وخصوصاً فى حته الكوميدى اللى هى اصعب حته خصوصاً مع شعب دمه خفيف ومش بيضحك بسهوله وسوشيال ميديا مخليه سقف الضحك يعلى كل يوم.. حق الناس تزعل وحق اللى متوفقش انه ياخد فرصه تانى طالما ده مش العادى بتاعه.

A post shared by Amr Wahba (@amr.wahbaaa) on May 16, 2020 at 3:50am PDT

يذكر أن مسلسل "رجالة البيت" من تأليف أيمن وتار، إخراج أحمد الجندي، إنتاج سينرجي-تامر مرسي ويشارك في بطولته عدد من الفنانين ومنهم؛ أحمد فهمي، أكرم حسني، بيومي فؤاد، عارفة عبد الرسول، لطفي لبيب ودينا محسن "ويزو" إلى جانب مجموعة من ضيوف الحلقات.

اقرأ أيضا:

اتهمت النجوم وبرأت نفسها... انتقادات لسوزان نجم الدين بعد ظهورها مع رامز جلال

بعد زواجهما في "الفتوة".. هنادي مهنى عن أحمد خالد صالح: كسر قلبي